VOV4.M'nông: Ăp ntŭk kan điện lực ta n'gor Dak Lak hŏ lôch jêh nkra trong rse điện, rdâk pă tay điện rhŏ dŏng an nklăp 16.500 rnăk ta ăp nkuâl Ea Kar, M’đrắk, Ea H’leo.

Bah năp nê, tât khuch bah phŭt mbrô 5, mih têh ndrel đah sial rvănh mbrông hŏ lơh chôt âk n'gâng điện, tăch rse, khuch trạm biến áp ta ăp nkuâl dja. Na nê̆, ta nkual kâng n'har Ea Kar n'hanh M'Đrăk, mih têh lơh pĭch rlâm neh, tơm si chôt pă ntŭn tâm trong điện mpeh trong rse 471F18, lơh roh điện an 11.600 rnăk ta bar nkuâl dja. Ăp ntŭk geh tât khuch ta nklang yôk nor jru ngai, jêr jŏt an pah kan hăn nkra. Yơn lah, Điện lực Ea Kar hŏ ngăch rgum mpôl kan, rdâk nkra  tay lôch tâm pơh dja.

Tâm ban kơt nê đŏng ta nkuâl tă bah Điện lực Ea H’leo mât dŏng, sial rvănh brông lơh pă du n'gâng điện n'hanh khuch 1 trạm biến áp đah nklăp 5000 rnăk dŏng geh tât khuch roh điện. Pah kan nkra bah hŏ dơi đơn vị nkra lôch tâm nar. Ta du đêt nkuâl êng ƀa ƀă, ăp đơn vị điện lực Dak Lak tâm pă mpôl kan gŭ kâp njrăng, ngăch nkra bah nău tât khuch mpeh điện tă bah phŭt sial lơh đŏng, lơn lah ta ăp nkual dôl geh mpă wêl, an gŭ rgum êng njrăng n'gang nuh srê Covid-19./.

Nuĭh rblang: Điểu Thân