VOV4.M’nông: Lơ 12/10, tâm xã Dur Kmăn, nkuăl Krông Ana, n’gor Dak Lak hŏ kơp dơn geh âk nŭih ntưp srê Covid-19 tâm ƀon lan ma ê geh gĭt tơm ntưp. Bah năp nê, lơ 11/10, wa N.T.A tât ngih dak si xã Dur Kman khám nau ji ndrel geh ƀư xét nghiệm test ngăch srê Covid-19, jêh ri năl lah geh ntưp đah SARS-Cov2. Jêh geh nau ntưp bah wa N.T.A, ngih dak si nkuăl Krông Ana plơ̆ joi ndrel sŏk mẫu xét nghiệm ăp nŭih geh êp nê ndrel kơp dơn geh tât 14 nŭih ntưp ma srê SARS-Cov2.

Dĭng nar naơ, lơ 12/10, mẫu năl ngăch đah Realtime RT-PCR ntưp đah SARS-Cov2. N’gâng kan dak si nkuăl krông Ana hŏ ntơm test ngăch ân nklăp 1000 nŭih bah ƀon Dur 1, xã Dur Kmăn, n’gâng kan tâm nkuăl hŏ ân nchueng rdâng nŭih tâm đội 3, ƀon Dur 1, Xã Dur Kman ndrel ndâk 4 ntŭk njrăng rdâng srê gay ma nkân nŭih ndrel ndeh klư luh lăp tâm nkuăl geh srê./.

Nŭih rblang: H’Thi