VOV4.M’nông: Lơ 14/12, ta nkuăl ƀon têh Buôn Ma Thuột, n’gor Dak Lak, N’gâng kan dak si tâm rgop nsum ma Viện Vệ sinh dịch tễ Tây Nguyên ƀư nau tâm nchră Khoa học nkô̆ nau njrăng rdâng nau ji mô geh tâm ntưp (ung tư, play nuih, chrach njŭng, ji klơm soh, hiăn mlông ko ndrel du đê̆ nau ji êng), dôl geh 70% rnoh jâk nau ji lam dak. Ăp nau ji aơ kŏ lah nkô̆ nau bôk năp ƀư khĭt nŭih. Nchrăp, ăp năm rnoh khĭt yor nau ji mô tâm ntưp aơ geh tât 77% rnoh khĭt yor geh nau ji.

Ta Tây Nguyên, năm 2020 WHO hŏ kơl an 40 xã tâm n’gor Kon Tum ndrel Lâm Đồng tâm nau kan mât, săm ndrel kơp ăp nau mbơh ăp nau ji mô tâm ntưp. Tât năm 2021, nau kan aơ geh hao 150 xã tâm 5 n’gor Tây Nguyên. Ăp nau đă bah rơh tâm nchră lah rjăp, nau jâk tâm nau mât ndrel ntrŭnh ƀư nau kan săm, njrăng nau ji mô tâm ntưp hôm âk nau jêr, nau ntul rlong ân geh nau kan gay ma nkoch trêng, mât ân nâp nâl lơn./.

Nŭih rblang: H’Thi