VOV4.M’nông: Du đê| rup nơih saơ mpeh nau têm nkrem điện ta nkuăl [on têh Buôn Ma Thuột, n’gor Dak Lak, nê lah ntrong mpong ang tâm trong hăn. Đah nkô| nau “Ang-ndrih-kloh-ueh” yơn nau u\ch ndơ\ luh lah gay têm nkrem điện. Yor ri, Ntu\k kan mpoh ang, Công ty TNHH Du ntu\k kan Đô thị ndrel Môi trường Dak Lak ho\ geh âk ntrong rđau kan, ntuh kơl nkra trong mpoh ang. Wa Thái Văn Phẩm- Giám đốc ân gi\t, ti\ng nau nglăp do\ng nau mpoh ang nsum ta nkuăl [on têh Buôn Ma Thuột, du năm roh nklăp 25 rmen prăk điện. Yơn lah, đah âk nau kan êng êng, ntu\k kan ho\ têm nkrem geh nklăp 40%. Kơt ri, rnoh prăk điện têm nkrem geh tâm du năm âk bơi tât ma jêt rmen prăk. Wa Thái Văn Phẩm, ngơi:

 ‘ Nau kan têm nkrem điện bah nơm ri geh 3 ntrong kan tơm. Tal bôk năp nê lah pâk-n’hât ting yan, tal bar lah n’hât nchâp đă, ăp nkuăl mpoh ang âk ir ri koh tâm pleh. Nau kan tal 3 lah gay ntuh kơl ndơ mpoh ang rnoh dăng, kơt lah u\nh led ntuh mhô lah-nau dăng bah păng ntơm 85-90%. Ntơm năm 2008 ntơm [ư ri knu\ng têm nkrem geh nklăp 30-32%, yơn jêh nê ri [ư ngăn rig eh tât 40-42% tâm du năm, geh nklăp 9 rmen prăk”.

Wa Hà Văn Chương-Giám đốc Điện lực Bắc Buôn Ma Thuột, n’gor Dak Lak ân gi\t, tâm ăp năm rlau aơ, ntu\k kan ho\ geh âk nau kan gay têm nkrem điện. Ngăn lah kơt ntru\t dăng nau nkoch trêng, nti\m mbơh nu\ih [on lan ndrel ntu\k kan do\ng ăp ntil ndơ geh nau mpoh ang ma hôm têm nkrem kơt u\nh Compac, u\nh Led, di\ng gâm dak duh mặt nar…Rnơm kơt nê, tâm ăp năm rlau aơ, rnoh điện geh têm nkrem âk đo\ng. Êng 4 khay bôk năm 2017, Điện lực Bắc Buôn Ma Thuột ho\ n’huch bơi tât 2 rkeh 300.000 kWh điện. Wa Hà Văn Chương, ngơi:

 ‘ Điện lực Bắc Buôn Ma Thuột ho\ ntru\nh âk ngăn nau kan gay ma têm nkrem điện. Nê lah nau nkoch mbơh đah nau ntoh ngơi, ndeh hăn nkoch mbơh n’hanh nau nti\m ân nu\ih do\ng điện ti\ng ăp ntil ndơ do\ng, ndơ mpoh ang tâm rnakư vâl, ndrel đah nê lah ăp săm [u\t mbơh nti\m kônh wa do\ng điện ân geh săk rnglay ngăn. Điện lực geh ăp nau kan ngăn đah ntu\k kan do\ng diện têh mpeh nau do\ng ăp ntil ndơ, têm nkrem n’hanh nau săk geh, mông do\ng tâm nar ân tâm di gay tâm ban nau n’huch nau roh hoach điện do\ng”.

Têm nkrem điện gay ntoh luh tă bah nau mi\n blau bah nu\ih do\ng điện. Yor kơt nê,  nau kan nkoch trêng mro geh n’gâng kan điện Dak Lak uănh khlay gay ntru\nh tât ăp nkuăl, nkuăl têh tâm n’gor Dak Lak, đah âk nau kan kơt: Ân hăn ndeh geh nkoch mbơh nau, mpla nau nkoch mbơh, đă lah, ndâk pa-nô, áp phích, nkoch trêng đah nau ntoh ngơi-ntoh rup, báo chí ndrel njoăl nau tâm điện thoại tât ăp nu\ih do\ng, [ư nau kan “Mông play neh”. Ngăn lah, tâm ăp năm dăch aơ, Công ty Điện lực Dak Lak ho\ tâm rgop đah n’gâng kan nti\m nti tâm nkuăl [ư nau Tâm rlong uănh gi\t mpeh nau têm nkrem tâm ăp ngih săm [u\t. Oh Hứa Thị Phương Mai, kon se nti jrâu 9D, Ngih săm [u\t THCS Tân Lợi, nkuăl [on têh Buôn Ma Thuột ân gi\t, bah rơh tâm rlong ndrel nau kan nkoch trêng ho\ kơl oh gi\t lơn mpeh nau khlay bah têm nkrem điện n’hanh vay nkah ăp nu\ih tâm rnăk vâl têm nkrem điện ti\ng.

 ‘Têm nkrem điện mô knu\ng do\ng điện ma he hôm geh n’huch nau roh hoach tâm rnăk vâl. Kơt lah n’hât u\ng rnôk he mô do\ng, rnok hăn luh tă bah jrâu bic\h. Tâm rnôk âk nu\ih ndrel do\ng, n’huch ngăn ăp ndoh ndơ mpoh ang nau do\ng điện prêh. Lah do\ng ndơ ân n’ik ri rnoh 26 độ hao go\ lơ, n’huch oi mông do\ng, nkre phung he do\ng ăp ver u\nh Compac”.

Jêh rlu nti, lôch rơh tâm rlong têm nkrem điện tâm ăp ngih săm [ut, ăp ntu\k kan tâm Công ty Điện lực Dak Lak lo\ [ư nau tâm rlong “ Têm nkrem điện tâm ăp rnăk vâl” đah nau njoăl nau tât mrô điện thoại bah nu\ih do\ng, nti\m ăp nau kan têm nkrem điện. Tât lôch năm, ăp ntu\k kan mra kơp n’hanh rnê, pă nkhôm ân ăp rnăk vâl geh nau dơi tâm nau têm nkrem. Wa Lê Hoài Nhơn, Groi Giám đốc Công ty Điện lực Dak Lak ân gi\t, rnơm ntru\t dăng nau nkoch trêng mbơh nkoch ma rnoh do\ng điện geh têm nkrem lơn ăp năm. Ngăn lah, năm 2015, têm nkrem geh 25,5 rkeh kWh, năm e têm nkrem geh 33,6 rkeh kWh n’hanh năm aơ mra nsôh têm nkrem ân geh rlau 35 rkeh kWh điện. Wa Lê Hoài Nhơn lah rjăp, nau têm nkrem điện gay ntoh tă bah nau mi\n bah ăp nu\ih, gay do\ng điện ân geh nâp nâl:

 ‘Phung hên u\ch leo du nau nkah tât nu\ih do\ng lah gay têm nkrem điện, gay đăp mpăn nâp nâl mpeh điện. Ngăn lah, phung hên đă nu\ih do\ng điện gay n’huch âk ngăn nau do\ng ăp ntil ndơ do\ng điện têh tâm ăp mông dôl geh do\ng âk. Đah nau dơi lah Dak Lak, nau u\ch pom dak to\ ân tơm cà phê, tiêu ko\ gay geh nau tâm pleh to\ tâm ăp mông êng gay đăp mpăn mô geh jâk ir. Phung hên đă n’gâng kan ăp gưl gay tâm rgop nkoch trêng nau do\ng điện ân đăp mpăn, têm nkrem. Tă bah nê njêng nau mơng ân ăp nu\ih [on lan, nu\ih do\ng điện nau do\ng ân têm nkrem u\nh nar. Nê lah nau ndâk ân nau mi\n bah nu\ih [on lan tâm rnôk do\ng u\nh nar gay ma ndâk, nkah ngăn nau mi\n mpeh têm nkrem điện, mât ân play neh ndrịh-lah play neh bah he nơm”./.

Nu\ih rblang: H’Thi