VOV4.M’nông – Nău mhe bah Ban ntĭm rđău njrăng, n’gang srê ta nuĭh n’gor Dak Nông, 12 nuĭh mâp êp đah nuĭh ji 28474 (ta nkuăl Krông Nô), lĕ an saơ mô ntưp rơh bôk năp đah uănh năl mham RT-PCR. Bah năp nĕ, ôi nar 11/7, n’gor Dak Nông kơp dơn nuĭh ji Covid-19 lah bu ur nuĭh ji 28474, gŭ ta nkuăl Krông Nô, sĭt bah nkual ƀon têh HCM. Jêh rnôk saơ nuĭh ji aơ, nău kan dak si Dak Nông lĕ ƀư ndăn uănh nđôi, joi, nkhah êng, sŏk mham ăp nuĭh mâp êp. Tĭng jêh uănh năl mham RT-PCR ntil mham 12 nuĭh mâp êp đah nuĭh ji lĕ an saơ mô ntưp rơh bôk năp đah kaman Sars-Cov-2. Aƀaơ săk soan bah ăp nuĭh aơ đăp mpăn, mô saơ ăp nău ntoh bah ji kơt duh, siăk, jêr nsôr n’hanh lĕ rngôch ăp nuĭh aơ dôl dơi nkhah êng dak si ta nkual nkhah rgum bah nkuăl Krông Nô.

Nŭih rblang: Y Sưng Phê Ja