VOV4.Mnông- N’gor Dak Nông lĕ ƀư an gŭ nkhah êng lĕ rngôch nai nti, nuĭh kan, kon hoc ngih nti phổ thông Dân tộc nội trú THCS n’hanh THPT Dak Rlâp, nkuăl Dak Rlâp lôch geh saơ du hê kon hoc ntưp đah kaman SARS-Cov2. Ta ôi nar 5-9, ngih nti Phổ thông Dân tộc Nội trú THCS n’hanh THPT Dak Rlâp, nkuăl Dak Rlâp, n’gor Dak Nông vơt ăp oh kon hoc tât nar lăp năm nti mhe. Bâh geh uănh veh săk soan, ngih nti geh saơ du hê kon hoc nti jrô 6 duh săk, siăk. Uănh năl ngăch kon hoc aơ geh ntưp đah kaman SARS-Cov2. Lôch nĕ tât kêng măng nar 5/9, uănh xét nghiệm PCR lĕ năl lah ntưp ngăn đah SARS-Cov2. Lôch nĕ, ngih nti lĕ mbơh đah mpôl kan nchueng nkhah êng, puh dak si rao kaman, ngăch joi ăp nuĭh tă tâm mâp dăch. Nkre lah đă 198 kon hoc bâh 7 jrô nti n’hanh 31 cán bộ, nai nti n’hanh nuĭh kan gŭ nkhah êng ta ngih nti dâl.

Nuĭh rblang: Thị Đoắt