VOV4.M’nông: Sở Y tế n'gor Dak Nông an gĭt, pơh bah năp nơh, lam n'gor hŏ tâm ban ŭch du rơh an ƀư chuh vaccine njrăng n'gang nuh srê Covid-19 rơh 2 năm 2021 ta ăp ntŭk chuh n'gang dơi ƀư ta nhih dak si n'gor n'hanh trung tâm y tế ăp nkuâl, nkual ƀon têh. Nuĭh dơi chuh lah mpôl kan bah bôk trong rlong sial, njrăng n'gang nuh srê Covid-19 lah mpôl kan dak si, mpôl tahen, công an, rmôt ƀoi tĭng têl nuĭh ji, nuĭh râng kơl êng, phóng viên, nuĭh kan mpông n'har luh lăp dak bah dih, cán bộ ƀư pah kan hăn luh lăp n'hanh uănh năl nuh srê,  nuĭh pă an rhŏ dŏng dak si khlay kơt nuĭh ƀĭt ndeh, rdeng năch pâl nđaih; nai ntĭm, nuĭh pah kan ta ăp ntŭk ntĭm nti, râng pah kan njrăng n'gang nuh srê. Lôch jêh, lam n'gor hŏ geh 13.452 nuĭh dơi chuh n'glai bôk năp vaccine njrăng n'gang nuh srê Covid-19. Lôch chuh n'gang, du đêt nuĭh geh mâp tâm rdil đah dak si kơt kop duh, ji, môr ta ntŭk chuh yơn mô geh nuĭh jêng ji jru lôch rnôk chuh./.  

Nuĭh rblang: Điểu Thân