VOV4.M’nông: Kêng măng 2/8, ta ntŭk nkhah săm srê Covid-19 bah n’gor Dak Nông, ntŭk kan dak si bah n’gor hŏ pă săm ƀŭt luh ngih dak si jêh âk nar săm. Bar nŭih geh luh rơh aơ lah bu klô ji mrô 16.004 Đ.Q.N (1995 gŭ ta nkuăl têh K’rông K’mar, nkuăl Krông Bông, n’gor Dak Lak) ƀĭt ndeh rdeng ndơ tă bah nkuăl ƀon têh Hồ Chí Minh sĭt Buôn Ma Thuột n’gor Dak Lak lơ 8/7.

Nŭih tal bar lah bu ur mrô 31.604 C.T.Q deh năm 1966, gŭ ta Thôn 7, xã Dak Wer, nkuăl Dak Rlâp, n’gor Dak Nông. Tĭng nau săm bah n’gâng kan dak si, rnôk aơ bar nŭih hŏ đăp mpăn ndrel tŏng nau dơi hăn sĭt. Bah năp nê, n’gor Dak Nông pă săm ƀŭt luh ngih dak si ân nŭih ji mrô 40.924 V.H.L.E deh năm 1991, gŭ ta xã Mỹ An, nkuăl Chợ Mới, n’gor An Giang. Kơp tât lôch kêng măng 2/8, n’gor Dak Nông kơp dơn geh 89 nŭih ntưp srê Covid-19 tâm 7 nkuăl, nkuăl têh./.

Nŭih rblang: H’Thi