VOV4.M’nông: Bah năp nau tât bah srê Covid-19, ntŭk kan tuch tăm n’gor Dak Nông hŏ ndâk rmôt kơl an, tâm nthoi kơl an nŭih ƀon lan rvăt dŏng ăp ntil ndơ tuch tăm bah n’gor. Rmôt kơl an, nthoi leo tăch ndơ tuch tăm tâm n’gâng kan tuch tăm ndrel hun hao ƀon lan n’gor Dak Nông, geh 15 nŭih. Ƀư nau kan ntrŭnh pă, tâm rgop đah ăp nkuăl, nkuăl ƀon têh năn doh rklaih, rklaih ăp nau tât kŏ kol gay ma kơl an ntrŭt dăng nau kan ê nkra leo tăch ndơ tuch tăm ân geh n’ho ro, đăp mpăn nau njrăng, rdâng srê Covid-19.

Ngăn lah mra kơp rnoh moh săk, năn doh rklaih ăp nau kol, nau jêr ndrel đă bah ăp ntŭk tăm, ntŭk rvăt ndơ tuch tăm. Nkre, rgum nau, ndâk ăp nau kan tâm nthoi ma nŭih tuch tăm ndrel ăp ntŭk ê nkra, ntŭk tăch luh dak ba dih, ntŭk rvăt, siêu thị. Tâm n’gor Dak Nông, rnôk aơ bơ ndrel sầu riêng lah 2 ntil play geh rnoh neh têh ngăn dôl ma klih, pĕ, yơn lah yor geh nau khuch bah srê ri ma nau tăch hôm mâp nau jêr./.

Nŭih rblang: H’Thi