VOV4.M’nông: Kêng măng 22/7, n’gor Dak Nông kơp dơn nŭih ntưp tal 19 ntưp srê Covid-19 tâm ƀon lan. Aơ lah nŭih ê gĭt tơm ntưp. Nŭih ji aơ lah bu ur N.T.B, deh năm 1975 gŭ ta Tổ 2, Phường Nghĩa Tân, nkuăl ƀon têh Gia Nghĩa, n’gor Dak Nông. Nŭih ji geh saơ bah nau khám uănh ta Ngih dak si Đa khoa n’gor Dak Nông, uănh test ngăch đah SARS-Cov2 saơ geh ntưp, lŏ njoăl tay ntil mham tât ntŭk nkân njrăng srê ji n’gor uănh RT-PCR kŏ ân saơ lah geh ntưp ma srê SARS-Cov2.

Tĭng nau ôp uănh, nŭih aơ ƀư kan tăch ndoh ndơ, knŭng rêh tam nkuăl, geh tâm mâp ma nŭih rdneg ndơ tât, hăn, rlet ăp n’gor geh srê kơt Bình Dương, Đồng Nai, Dak Lak. Jệ geh năl ntưp srê SARS-Cov2, ntŭk kan dak si ntrơn leo nŭih aơ đah ndeh ngih dak si leo tât ntŭk săm Covid-19 bah n’gor. Ăp rmôt hŏ ngăch joi trong hăn ndrel kơp dơn geh 24 nŭih geh mâp. Rnôk aơ rmôt kan lŏ joi ăp nŭih tă geh hăn tât tâm 14 nar bah năp nê./.

Nŭih rblang: H’Thi