VOV4.M’nông – Nar 30/9, Rmôt mât uănh pơk dŏng trong điện cao thế Dak Nông lĕ jêh ƀư “nkra trong rse 110kV Dak Song-Dak Mil-Cư Jut n’hanh trong boăt nthoi lăp Trạm biến áp 110kV Dak Song”. Bơi 4 khay, ntŭk kan lĕ ntrok sứ đơn đah sứ kép ta 50 ntŭk mâp rkăng, đah dĭng lĕ 270 trôm sứ nthoi, sứ rkơl ăp ntil đah thủy tinh n’hanh Polymer.

Ntrok sứ ta ntŭk mrô 26 trong rse 110kV Dak Song-Dak Mil-Cư Jut (trong sre CP Dak Nông)

Dơi gĭt trong sre 110kV Dak Song-Dak Mil-Cư Jut dơi pơk dŏng bah năm 2010, lah ntŭk pă điện tal 2 rhŏ an hun hao wăng sa rêh jêng n’gor Dak Nông. Jêh rlău 10 năm, ăp trong sứ ƀah điện bah trong rse lĕ jŭr djơh, mô đăp mpăn pă điện, lơn lah tâm yan mih phŭt sial. Nău ntrok ăp sứ ƀah điện mbra nking n’gang nău geh nglăy chong, đăp mpăn pơk dŏng na nao pă điên ta lam n’gor Dak Nông.

Nŭih rblang: Y Sưng Phê Ja