VOV4.M’nông: Kêng măng 9/7, n'gor Dak Nông hŏ năl geh nuĭh ntưp đah SAR-CoV-2 lor bôk năp, nuĭh ji lah nuĭh ƀĭt ndeh tă mâp âk tơ̆ đah  nuĭh tung dăp ndơ ta bến xe Miền Đông, Nkual ƀon têh Hồ Chí Minh, mhe dơi năl geh nuĭh ntưp. Nuĭh ji lor bôk năp lah du hê bu klô nuĭh ji mbrô BN 26004, deh năm 1995, gŭ ta thị trấn Krông K’ma, nkuâl Krông Bông, n'gor Dak Lak.

Tĭng ôp uănh nuh srê tâm nklăp 15 nar mhe aơ, nuĭh ji lah năch  way mâp dăch đah ntưp SAR-CoV-2 ƀư dăp tung ndơ kalơ ndeh ta bến xe Miền Đồng, nkual ƀon têh Hồ Chí Minh. Lôch tăng gĭt nău lư, Ƀan rđău đă njrăng, n'gang nuh srê Covid-19 n'gor Dak Nông hŏ ƀư sŏk mham nuĭh ji. Nar 9/7, uănh năl mham RT-PCR an saơ geh ntưp đah SAR-CoV-2. Aƀaơ nuĭh ji n'hâm suan ngăch dăng kơt ơm. N'gor Dak Nông hŏ n'glêh an gŭ rgum êng đah ăp nuĭh geh mâp dăch đah nuĭh ji ta ntŭk gŭ rgum êng nkuâl Dak Rlâp./.  

Nuĭh rblang: Điểu Thân