VOV4.M’nông: Măng 16/7, n'gor Dak Nông năl geh tay du hê nuĭh ntưp Covid-19. Nuĭh ji bu klô  44301 lah L.H.D, deh năm 1988, gŭ ta ƀon Bu Boong, xã Dak N’Drung, nkuâl Dak Song, n'gor Dak Nông. Lôch tăng geh nuĭh ji mpôl kan dơi kan hŏ rdeng nuĭh ji ma ndeh way dŏng an gŭ săm êng Covid-19 bah n'gor.

Nkre manh an gŭ êng ăp nuĭh sŏk uănh năl mham nuĭh ji dja ta ntŭk sŏk uănh năl mham bah Ntŭk rgum kan dak si nkuâl Dak Song. N'gâng kan dơi kan ndăn ôp uănh ƀoi tĭng geh 16 nuĭh mâp dăch n'hanh ƀoi tĭng ăp nuĭh geh tât. Ndrel đah nê, mpôl kan dak ƀư puh nkhĭt kaman lĕ rngôch nkual jay  gŭ bah nuĭh ji, nkual sŏk mham uănh năl n'hanh ăp ntŭk nuĭh ji way hăn tât tâm 3 nar mhe aơ./.

Nuĭh rblang: Điểu Thân