VOV4.M’nông: UBND n'gor Dak Nông mhe an dŏng trong nchrăp mpeh ƀư kâp nchăng, nking uănh nuĭh bah dak Campuchia lăp tâm n'gor. Tĭng nê, Sở Y tế geh nău dơn kan ƀư tơm, kan nsum đah ăp nhih pah kan geh tât lor nchrăp hăn uănh ntŭk manh ntăm ƀư nhih dak si njrăng, n'gang nuh srê Covid-19 nkhêp geh nău tât khlay. Sở Y tế ntĭm nti pah kan mbơh ngăch dăng n'hâm suan, ntop kơl dak si ƀư nău kan hăn rsong uănh, nking nchăng ta trong n'har bri n'hanh ăp trong me quốc lộ 14, 28, tỉnh lộ gay mât kân lhăt nuĭh, ndeh rklư bah ăp n'gor hăn lăp tâm n'gor. Ndrel đah nău rđău đă, ntĭm nti, tĭng ƀư jăp ăp rơh chuh n'gang vaccine njrăng, n'gang nuh srê Covid-19 đăp mpăn, di nuĭh tĭng quy định bah Bộ Y tế, Sở Y tế kan nsum đah ăp nhih pah kan geh tât nsŏng kơl an UBND n'gor ntop kơl prăk, ndơ dŏng dak si, nchrăp kơl n'gor Mondulkiri (Campuchia) tâm pah kan njrăng, n'gang nuh srê Covid-19./.

Nuĭh rblang: Điểu Thân