VOV4.M’nông: Rmôt kan n’gâng kan bah n’gor Dak Nông hŏ ntrŭnh ƀư nau nchueng rdâng ăp ngih săm ƀŭt ndrel âk ntŭk geh tât tâm nkuăl Dak Rlâp, rnôk geh tât nau mpơl saơ du hê kon se geh ntưp ma srê SARS-Cov2. Nkre lah, n’gâng kan dak si ngăch ƀư nau sŏk mham uănh năl xét nghiệm nŭih ntưp F0 luh bah dih săm êng. Tĭng nau mbơh bah Rnâng kan rđau nau njrăng, rdâng srê bah n’gor Dak Nông, jêh rnôk saơ du hê kon se tâm ngih săm ƀŭt Dân tộc nội trú nkuăl Dak Rlâp, tâm ƀon Bu Bir, xã Quảng Tín, nkuăl Dak Rlâp ntưp ma srê SARS-Cov2, rmôt n’gâng kan hŏ ndal nchueng rdâng, joi kloh trong hăn, sŏk mẫu uănh năl. Rnôk aơ ntŭk kan dak si hŏ joi saơ geh 150 F1, rlau 100 F2 ndrel ƀư nau kơp dơn geh 15 nŭih ân geh uănh năl xét nghiệm RT-CPR ntưp đah kman SARS-Cov2. UBND nkuăl Dak Rlâp ntrŭnh nau ƀư nkhah srang mrô 16 đah xã Quảng Tín./.

Nŭih rblang: H’Thi