VOV4.M’nông: Nar ntri (30/7), ta Nkual an gŭ săm nuĭh ji Covid-19, Sở Y tế n'gor Dak Nông hŏ ndơ̆ an si ƀŭt sĭt bah nhih dak si an nuĭh ji 40924. Nuĭh ji bu klô 40924 lah V.H.L.E nuĭh ƀĭt ndeh (deh năm 1991, way gŭ ta thôn Mỹ Long, xã Mỹ An, nkuâl Chợ Mới, n'gor An Giang). Lôch jŏ nar săm, lôch geh uănh năl mham SARS-CoV-2 bah nuĭh ji tâm ăp nar 19/7, 26/7 n'hanh 28/7 mô hôm mpơl đah nău ji da dê.

Tât nar 29/7, nuĭh ji hŏ an gŭ êng 15 nar n'hanh lôch 2 tơ̆ uănh năl mham RT-PCR mô mpơl ntưp tay, bôk năp hŏ đăp mpăn n'hanh tŏng nău dơi sĭt bah nhih dak si. Aƀaơ Nkual an gŭ săm nuĭh ji Covid-19 n'gor Dak Nông ntơm bah nar 9/7 tât aƀaơ hŏ dơn n'hanh săm n'hanh dôl săm 30 nuĭh ji. Aƀaơ n'hâm suan bah ăp nuĭh ji hôm đăp mpăn, âk nuĭh lôch uănh năl mham hŏ mô hôm ntưp ntơm bah 1 tât 2 tơ̆. Tâm nar, n'gor Dak Nông năl geh tay 4 nuĭh ntưp Covid-19, n'hao lĕ rngôch nuĭh ji bah n'gor hao tât 59 nuĭh ji./.

Nuĭh rblang: Điểu Thân