VOV4.M'nông: Năm nti 2021-2022, gay ntop kơl ăp kon se nti geh nău rêh jêr jŏt hăn tât nhih nti, n'gâng kan ntĭm nti n'gor Dak Nông hŏ ƀư phăt ndrôm si ƀĭt, si ƀŭt nchih n'hanh ntop  kơl prăk nti an rlău 22 rbăn kon se nti ăp gưl. Tĭng nê, năm nti 2021- 2022 n'gor Dak Nông geh 22.400 kon se nti nuĭh rnoi  mpôl đê̆ mpeh săk ach  o, dăch kêng ach o dơi phăt dơm si ƀŭt; tâm nê geh 14.300 kon se nti gưl tiểu học, rlău 6.900 kon se nti trung học cơ sở n'hanh 1.200 kon se nti trung học phổ thông. Na nê̆, ăp kon se mbra dơn du nkôp si ƀŭt n'hanh si ƀŭt nchih ntơm bah 14 tât 24 ndrôm si ƀŭt nchih, uănh tâm gưl nti. Lĕ rngôch prăk tĭng ƀư lah bơi 11 rmen prăk, bah tơm prăk ngân sách n'gor. Ndrel đah nê, n'gor Dak Nông hŏ kuăl jă, rgŏ jă ăp mpôl kan, ăp nuĭh ndrel đah ƀon lan ta n'gor rgop prăk, si ƀŭt nchih, kho ao gay ntop kơl ăp kon se nti geh nău rêh jêr jŏt, kon se nti kon đơi geh ndơ ma hăn tât nhih nti./.

Nuĭh rblang: Điểu Thân