VOV4.M’nông – Nar 28/10, Hội đồng nhân dân n’gor Dak Nông khóa 4, năm kan 2021-2026 ƀư rơh rƀŭn chuyên đề, uănh mĭn tay, tâm nchră n’hanh mbơh an 7 bôk nău rgop an tâm nchră, HĐND n’gor Dak Nông lĕ uănh mĭn tay, tâm nchră n’hanh mbơh an 7 bôk nău rgop an tâm nchră, dự thảo nghị quyết, tâm nĕ geh nkô̆ nău: Nghị quyết uănh joi, nău mkra di dăp rgum 3 ntil bri ta n’gor Dak Nông; Nghị quyết ntrŭnh nău kơl ntop kơl ntĭm nti nău kan nti trung cấp, cao đẳng ta lam n’gor lvang 2021-2025; Nghị quyết mbơh an ndơ ntop tay ăp nău nchrăp ƀư an sŏk neh, rgâl nău ŭch dŏng neh gay hun hao wăng sa, rêh jêng năm 2021...

Dak Nông rgâl 640 ha neh bah dih dăp rgum bri gay an sam ƀŭt neh an ƀon lan

Dôl uănh lah Nghị quyết uănh joi, nkra di nău dăp rgum 3 ntil bri ta lam n’gor Dak Nông, tĭng nĕ geh bơi 640ha dơi ndơ̆ an bah dih dăp rgum bri, ƀư tĭng nău pă sam ƀŭt kơp dơn dŏng neh an nuĭh ƀon lan gay tâm di đah nău ngăn.

Nuĭh rblang: Y Sưng Phê Ja