VOV4.M’nông: N’gor Dak Nông geh bơi tât 11 rbăn ha tăm bum, play, tơm sa play ăp ntil, đah rnoh nklăp 176 rbăn tấn. Tĭng rnoh kơp bah n’gâng kan tuch tăm n’gor ntơm rnôk aơ tât khay 11 geh nklăp 43 rbăn tấn bum, play sầu riêng ndrel bơ bah kônh wa ŭch geh tăch, nklăp geh 900 tấn du nar. Yơn lah yor geh nau khuch bah srê Covid-19 ri ma nau tăch ndơ tuch tăm bah kônh wa mâp âk nau jêr.

Âk ntŭk tăm ê geh joi trong tăch luh, nŭih pĕ klih kŏ mô geh âk. N’gâng kan tuch tăm n’gor Dak Nông mbơh, rnôk aơ n’gâng kan tuch tăm bah n’gor Dak Nông hŏ ndâk nau kơl an, tâm nthoi kơl an ƀon lan tăch ăp ntil ndơ tuch tăm bah n’gor. Tĭng nê, rlau 3 pơh ma aơ rlau 4000 tấn byăp play ăp ntil, 4000 tấn sầu riêng ndrel rlau 3000 tấn bơ hŏ geh n’gâng kan tuch tăm bah n’gor joi ntŭk tăch./.

Nŭih rblang: H’Thi