VOV4.M'nông: Tĭng ntuk rgum mât kân kop ji n'gor Dak Nông, rnoh nuĭh ntưp Covid-19 ta n'gor lah rlău 1.000 nuĭh. Tâm rnoh dja hŏ geh 855 nuĭh bah ji sĭt bah nhih dak si, 7 nuĭh khĭt. Dŭt njrăng, ta nkual ƀon têh Gia Nghĩa mhe năl saơ 8 nuĭh ntưp lam ƀon lan. Tâm nê geh 5 nuĭh geh tât nuĭh ji năl saơ ta nkual ƀon têh Hồ Chí Minh, n'hanh 3 nuĭh lah nuĭh kan karaoke geh tơm nuh srê bah n'gor Dak Lak. Mpôl kan dơi kan hŏ ƀư ƀoi tĭng ngăch, năl 120 F1, tâm nê 5 nuĭh lôch uănh năl mham geh ntưp đah SARS-CoV-2 ma kỹ thuật RT-PCR.  Đah 3 nuĭh lah nuĭh kan tâm quán karaoke geh tơm nuh srê bah n'gor Dak Lak, aƀaơ n'gâng kan dơi kan n'gor Dak Nông dôl nsrôih ƀoi tĭng ăp nuĭh geh tât. Bôk năp năl geh âk ntŭk ta Gia Nghĩa tă geh ăp nuĭh ji dja gŭ hăn, tâm nê geh du đêt quán karaoke, khách sạn./.

          Nuĭh rblang: Điểu Thân