VOV4.M’nông – Nkuăl Dak Rlâp (Dak Nông) dôl rgum âk trong gay [ư t^ng bôk nău kan du xă du ntil ndơ (OCOP). Đah âk nău geh âk tâm nău kan lo\ mir, nkuăl an năiu r[o\ng geh âk ndơ geh OCOP tâm năm tât.

          Năm bah năp, nkuăl Dak Rlâp uănh khlay mro tât nău ntop kơl, ntru\t đă ndâk njêng ăp rmôt kan ndrel, hợp tác xã, jêng nău [ư ntop kơl gay ăp doanh nghiệp ntuh kơl, tâm rgop đah [on lan kan lo\ mir hun hao nkra njêng, ntuh kơl nkret njêng ndơ lo\ mir. Tât a[aơ, lam nkuăl geh 26 hợp tác xã nkra njêng lo\ mir, 10 rmôt kan ndrel. Ăp doanh nghiệp ta nkuăl dôl kơt do\ng ăp ntrong kan nkra njêng geh trong way kan mhe. Aơ lah n’gâng tơm kơl wa\ng sa [on lan bah nkuăl Dak Rlâp hun hao t^ng trong ndơ ta ntu\k n’hanh n’hao nău khlay.

Ta nkuăl Dak Rlâp dôl geh âk ntrong kan nkra njêng lo\ mir kơt do\ng kỹ thuật mhe, ns^t tay săk rnglăi âk, geh ăp ndơ tâm di, kơp dơn đah ndơ lo\ mir. Kơt lah, rnăk wa Võ Văn Minh, thôn 8, xă Nhân Cơ, geh bơi 1,5 ha sầu riêng. Knơm ntuh kơl ue\h bah nău mât chăm tât njrăng n’gang bu tuh tu ndru\ng, jêng mir sầu riêng bah wa Minh hun hao đăp mpăn, r^ng săk geh bơi 1 tạ play/tơm.

Hợp tác xã Hồ Tiêu Hữu cơ Đồng Thuận, xă Nhân Cơ geh tâm di mpeh ue\h kloh đăp mpăn ndơ sa

Wa Minh an g^t nău [ư bah nu^h tăm sầu riêng a[aơ mô kâp geh ăp nău geh săk geh ma knu\ng lah ue\h kah. Play sầu riêng an to\ng ăp đăp mpăn kloh ue\h ndơ sa n’hanh [ô kah. Kơt ne\ mư dơi tăch ndơ, nău kan tăm sầu riêng mư dơi mât jo\ jong.

T^ng wa Nguyễn Quốc Khánh, Chủ nhiệm Câu lạc bộ sầu riêng Thiên Phú, xă Nhân Cơ, a[aơ, âk rnăk [on lan ta ntu\k dơi wât nău khlay bah kơt t^ng công nghệ sinh học gay nkra njêng luh ndơ lo\ mir kloh ue\h. Âk năm aơ, geh du\t âk rnăk tăm cà phê, tiêu, tơm sa play kơt do\ng ăp trong sinh học hữu cơ, nkra njêng t^ng di VietGAP, Organic, GlobalGAP… Yor nê, ndơ lo\ mir bah ăp tơm mir aơ tăch geh âk nău nsing nơm n’hanh dơi ăp nu^h rwa\t kơt nu^h do\ng u\ch.

Đah trong nkra njêng ue\h, t^ng trong hữu cơ, jêng âk nu^h mir le\ dơi kơp dơn tâm di tâm dak n’hanh dak bah dih. Yor nê, nău ăp ndơ bah khân pơng dơi “ntăr sao” gay jêng ndơ OCOP lah nău mô geh jêr jo\t.

Wa Nguyễn Tuấn Anh, Groi jrô kan mât rong tuch tăm n’hanh hun hao [on lan nkuăl Dak RLâp, a[aơ âk ndơ lo\ mir bah ăp rnăk, hợp tác xã, doanh nghiệp dơi râng bôk nău kan OCOP. Ndr^ yơn, nkuăl an ntơm ndâk njêng gay geh trong nkra njêng, tăch ndơ lo\ mir du trong nâp nâl mô di ndăn rwan “ntăr sao” OCOP.

Sầu riêng bah wa Võ Văn Minh, xă Nhân Cơ (Dak Rlâp) tăm t^ng trong hữu cơ

T^ng wa Nguyễn Tuấn Anh đo\ng. Gay [ư t^ng bôk nău kan OCOP, bôk năp, nkuăl [ư t^ng ăp trong ntru\t ăp hợp tác xã, doanh nghiệp jêt n’hanh dah găp hun hao gay geh ndơ ta ntu\k. Nkuăl nta an mpeh trong [ư, nău kơl gay n’hao dơi an ăp ntu\k, hợp tác xã, doanh nghiệp tâm bôk nău kan OCOP. Ne\ lah rgum kơl ăp ntu\k kan mpeh nău g^t blău mât uănh, công nghệ nkra njêng, ntru\t ngăch tăch rgâl.

Nkuăl Dak Rlâp an r[o\ng tât năm 2025 geh đêt ngăn 3 ndơ bah doanh nghiệp râng OCOP; 6 ndơ bah ăp hợp tác xã geh an kơp dơn OCOP. Rlău ma ne\, geh đêt ngăn 3 ndơ dơi kơp dơn OCOP geh 3 sào let lơ, 1 ndơ bah 4-5 sao.

Bah năm 20216 tât a[aơ, nkuăl le\ rgo\ jă geh bơi 9.000 rmen prăk an ndâk njeneg thôn [on mhe, tâm ne\ nu^h [on lan rgop bơi 340 rmen prăk. Năm 2011, lam nkuăl mhe geh 43 rnoh ndơ thôn [on mhe, yơn tât a[aơ lam nkuăl geh 182 rnoh ntil ndơ. Ban nt^m rđau ăp bôk nău kan r[o\ng t^ng lam dak n’gor Dak Nông uănh lah Dak Rlâp lah “n’ha cờ bôk năp” bah n’gor tâm ndâk njêng thôn [on mhe. Trong [ư, nău nsrôih nt^m rđau, [^t joet, [ư t^ng ăp nkô| nău, pă nău kan ndâk njêng thôn [on mhe bah Dak Rlâp lah nău ăp ntu\k êng an nti, kơt t^ng, ngăn lah đah ăp nkuăl mô geh xă tâm di mô lah ăp nkuăl hôm e dêt xă geh tâm di thôn [on mhe.

Nu^h rblang: Y Sưng Phê Ja