VOV4.M’nông –Đah nău nsrôih [ư lôch jêh trong nchrăp kan tâl 4 tâm nău rdâk njêng [on lan mhe, tâm bah ri aơ nơh, công ty Điện lực Dak Rlâp, mpeh công ty điện lực Dak Nông way mpư n’hao prêh nuih n’hâm dơn kan, đăp mpăn trong rse điện tât đah [on lan. Trong rse điện đăp mpăn mô dơn rho\ do\ng nău u\ch geh khlay tâm nău rêh, ma hôm kơl [on lan rdâk tay nău kan tuch tăm, hun hao wa\ng sa đo\ng.

Nô Lê Như Xa, thôn 3 xă Nhân Cơ, nkuăl Dak Rlâp tăch rgâl pơk mpông cà phê đah ăp ntil dak ngêt le\ âk năm aơ. Đah nău geh ntu\k ntô bah ngih lah an hvi, aih n’hanh geh âk nău u\ch đah điện gay dơi do\ng u\nh ang, quạt, tivi, ca nhạc rho\ do\ng an năch. Đah nu nău trong rse điện đăp mpăn mro kơt a[aơ le\ kơl nău tăch rgâl bah rnăk wâl nô mâp âk nău nơih, đah nău geh đăp mpăn rlău 10 rkeh/khay jêh rnôk nku\p prăk do\ng.

 “Rnăk wâl gâp geh [ư quán cà phê, bah năp đaơ tâm yan wai, duh ma mô geh điện ri năch mô tât. 2-3 năm plơ\ ma aơ do\ng điện saơ ue\h lơn, điện dăng, nău roh điện mô lah điện tăch proăt mô geh, yor r^ ma năch tât âk lơn, kơl an quạt n’hanh du đêt ndơ [on lan rho\ do\ng ue\h lơn”.

Kơt wa kônh wa êng [ư lo\ mir, wa Nguyễn Văn Thức ta thôn 2 xă Nhân Cơ, nkuăl Dak Rlâp an g^t, ăp năm bah năp, yor mir ngai nkual [on lan gu\, mô geh điện jêng wa n’hanh âk rnăk êng an do\ng măy n’gôr gay to\ an cà phê. Âk tơ\ măy khuch, nău to\ geh ndruch [ư khuch têh tât nău hao jêng bah tơm tăm n’hanh roh âk mông nar. Yơn a[aơ le\ geh điện, nău to\ dak an tuh mbô dơn lơn, ntêm nkrem prăk nkôp đah bah năp, rgop kơl an ăp rnăk nkra njêng tuch tăm đăp mpăn lơn. Wa Nguyễn Văn Anh, nkoch:

 “Rnôk mhe nkhah n’gor ri điện mô geh, ăp tơ\ to\, k^n cà phê lah he do\ng đah măy n’gôr da dê, prăk âk, hôm a[aơ geh điện do\ng moh ndơ dơh da dê, n’hu\ch prăk an nu\ih [on lan, rlău ma ne\ điện nkre thuk, nkre dơh, mô roh âk mông nar jêng săk geh âk lơn, geh điện lo\ mir đăp mpăn âk lơn”.

Wa Nguyễn Văn Thành, groi kruanh UBND xă Nhân Cơ an g^t, Nhân Cơ lah xă tâm di thôn [on mhe tâm năm 2015 đah 11 thôn [on le\ geh điện. Ăp năm dăch aơ, knơm uănh m^n n’hanh ntuh kơl điện tât ăp ntu\k hôm e jêr jo\t, nkual [on lan rnoi mpôl điện ta ăp thôn, [on nău rêh nu\ih [on lan le\ rgâl  na nê|. Bah ne\ kơl kônh wa rgâl nău tuch tăm ơm, rgâl ntil tơm tăm săk rnglay, rgop n’hao nău rêh. Wa Nguyễn Văn Thành, Groi kruanh UBND xă Nhân Cơ an g^t:

“Nkôp đah ăp năm bah năp rnôk mô geh điện tât ăp nkual [on lan jru ngai ri nău hun hao wa\ng sa bah nu\ih [on lan jêr jo\t. Lơn lah tâm hun hao wa\ng sa hun hao tuch tăm, do\ng măy mo\k, nu nău mpeh văn hoá, nu nău nkoch trêng du\t jêr jo\t yơn bah geh điện kônh wa du\t rhơn, đah to\ng ăp ndoh ndơ bah tủ nđik tât nu nău uănh djăt, ndr^ jêng tâm trong kan nkoch trêng nău ntru\nh trong kơl bah Đảng n’hanh Ngih dak du\t ue\h. Nău wa\ng sa n’hanh hun hao rêh jêng ri hao na nê|”.

A[aơ lam nkuăl Dak Rlâp geh rlău 23 rbăn nu\ih dăch do\ng điện đah rnoh do\ng 6 rkeh kw/khay. Gay rdo\ng do\ng ue\h an nău u\ch do\ng điện bah [on lan, Công ty điện lực Dak Rlâp le\ ntuh kơl 203 trạm biến áp đah bơi 350km trong rse trung áp, 380 trong rse hạ áp.

Wa Trần Minh Huy, Kruanh điện lực Dak Rlâp an g^t, đah nuih n’hâm ntrôl ngăch rdâk [ư thôn [on mhe ta [on lan, n’gâng kan điện r[o\ng tât nău pă điện an nu\ih [on lan ue\h dăng. Knơm ne\ điện ta thôn [on, ngăn lah ăp xă dăn jêh lor thôn [on mhe dơi rgâl du\t âk. A[aơ nkuăl Dak Rlâp geh 8/10 xă rnoh ndơ [ư mrô 4, geh 80%, rnoh rnăk do\ng điện [a [ơ, đăp mpăn geh 95%. Wa Trần Minh Huy, Kruanh điện lực Dak Rlâp m^n lah:

“Rnoh ndơ [ư mrô 4 mpeh thôn [on mhe lah đăp mpăn ri nău pă điện ta nkuăl mô lah lam hvi ăp ntu\k êng ri nău pă điện mbra dơi [ư ue\h lơn, đăp mpăn lơn. Nu\ih [on lan dơi rho\ do\ng ue\h u\nh điện yor rnoh ndơ [ư mrô 4 du\t ngăn ngên đah âk nău rnoh ndơ jêt, n’hanh uănh lah kơt le\ rngôch nău pă điện, lah dơi geh ri rnoh đăp mpăn n’hanh điên pă mbra rgâl ue\h du\t âk”.

T^ng trong nchrăp, khay tât, điện lực Dak Rlâp mbra ntrôl dăng ntuh kkơl pơk hvi rgâl trong rse điện, ndâk [ư mhe n’hanh n’hao dăng ăp trạm biến áp geh a[aơ gay tâm ban đah trong điện, n’hao rnoh rnăk do\ng điện [a [ơ lơn ta ăp xă thôn [on mô ho\ geh tâm di mpeh rnoh ndơ điện./.

Nu\ih nchih rblang: Y Sưng Phê Ja