VOV4.M’nông – Ngih krŭng Sơn La (ta phường Tô Hiệu, nkual ƀon têh Sơn La, n’gor Sơn La) lah Di tích Ngih dak têh ngăn, du năm wơt bơi 300.000 nuĭh năch bah ăp n’gor, nkual ƀon têh ta lam dak n’hanh lam ntŭr neh tât uănh nsong, mĭn njêng, joi gĭt lịch sử.

Di tích Ngih krŭng Sơn La

Ngih krŭng Sơn La dơi rlăng Pháp ndâk ƀư năm 1908. Ntŭk aơ lĕ nhŭp kân 1.007 nuĭh krŭng Cộng sản, lah ngih sam ƀŭt cách mạng, ntŭk mât rong “grăp ntil têh” bah cách mạng Việt Nam. Aơ lah ngoay tâm âk ntŭk uănh lịch sử khlay n’hanh “ntŭk tât ntoh lư” gay nkoch trêng, ntĭm nti way ơm cách mạng an rơh druh ndăm ryơk, ntô̆ n’hao mpeh way ơm cách mạng bah rnoi mpôl. Rlet rlău âk rơh nkra n’hanh mĭn joi tay ăp sam ƀŭt sam tra, ndơ ơm geh tât, Ngih krŭng Sơn La nsrôih mât nău khlay bah di tích tâm trong kan ntĭm nti way ơm cách mạng an rơh druh ndăm n’hanh năch tât uănh nsong.

Nŭih rblang: Y Sưng Phê Ja