VOV4.M’nông: Ta n’gor Dak Lak ho\ ntoh ăp tơ\ mih khay wai, nkre đah phu\t n’glaih n’hanh sial dăng, lơh khuch tât trong rse điện ta n’gor. Ta năp nău nchroh trôk nar tât djơh, Công ty Điện lực Dak Lak le\ lor nchrăp mpeh nu^h kan n’hanh ndơ do\ng gay ngăch nkra bah rnôk geh tât khuch. Điện lực Dak Lak a[aơ dôl mât do\ng rlău 11.110km trong rse; tâm nê geh rlău 4.700km trong rse trung thế, rlău 6.300km trong rse hạ thế, 6 trạm biến áp ta n’gul n’hanh rlău 4.350 trạm biến áp phụ tải.

Gay lor nchrăp nkhêp geh nău tât khuch, đăp mpăn nchuăt do\ng trong rse điện, Công ty Điện lực Dak Lak le\ rdâk njêng trong nchrăp lor rdâng lơh đah tât khuch trôk nar lơh dăch đah nău geh ngăn ngăn bah t^ng n’gâng kan n’hanh nkuâl, tâm pă nău kan na nê| an ăp nu^h tâm {an njrăng n’gang trôk nar lơh n’hanh joi kơl nu^h bah Công ty; kan nsum ndrel đah n’gâng kan ta ntu\k nkra nkhêp geh nău tât khuch.

        Wa Huỳnh Văn Tường, Groi kruanh jrô kan đăp mpăn, Công ty Điện lực Dak Lak an g^t, công ty geh trong nkra pă an điện phụ tải an lor; nchrăp tơm, trong rse điện n’hanh [ư hăn ôp uănh, nkra, kơi ntru\p nâp dăng ntu\k geh do\ng khlay; nchrăp ndơ do\ng rnă ntêm lor.

         “Công ty Điện lực Dak Lak an [ư tât ăp nhih pah kan mpeh nơm mât, treng uănh tơm n’hanh rse điện ăp ntu\k do\ng khlay, ntu\k way geh tât khuch ăp trong rse hăn rlău ăp bri neh dak mât, mir cao su, ăp ntu\k dăch kêng dak me way p^ch rlâm. Rlău ma nê, ăp điện lực njêng du tiểu ban njrăng n’gang trôk nar lơh n’hanh joi kơl nu^h n’hanh mpôl hăn lor nchrăp rdâng lơh đah ăp nău tât khuch mbra geh tât”./.

Nu^h nchih rblang: Điểu Thân