VOV4.M'nông: N'gor Dak Lak aƀaơ geh rlău 10 rbăn doanh nghiệp dôl kan, lơn âk lah doanh nghiệp jê̆ n'hanh dah găp. Gay ntop  kơl ăp doanh nghiệp, Tỉnh ủy Dak Lak hŏ an dŏng Nghị quyết mpeh rgâl mbrô ntơm bah aơ tât năm 2025, rƀŏng tât năm 2030. N'gor ndơ̆ luh tât năm 2025 geh nklăp 60% doanh nghiệp jê̆ n'hanh dah găp kan ta ăp ntŭk ndranh tăch rgâl điện tử; rnoh âk geh tăch rgâl điện tử hao 10%.

Gay dơi tât rnoh kan dja, Dak Lak nchrăp dŏng rlău 1,8 rmen prăk tâm 5 năm bôk năp ntuh kơl an trong kan rgâl mbrô n'hanh hun hao tăch rgâl điện tử. Tâm nê lĕ ma rgâl mbrô tâm ăp doanh nghiệp; hun hao ăp ntŭk ndranh tăch rgâl điện tử đăp mpăn buăt nthoi tăch rvăt, lơn lah rêng rnoh khlay ndơ tuch tăm, pâl nđaih, nkret njêng jê̆ pơk sŏng dăng. An lor rgâl mbrô tâm ăp trong kan: tuch tăm, ntĭm nti, dak si, nchuăn rdeng n'hanh logicstics, công nghiệp n'hanh ŭnh nar, ndơ mpêt khlay- neh ntu, prăk kaih- ngân hàng n'hanh pâl nđaih./.

Nuĭh rblang: Điểu Thân