VOV4.M’nông: Ăp năm bah năp, ăp gưl rmôt druh ndăm xung phong ơm n’gor Dak Nông le\ [ư ue\h nău mboăt nthoi, rgum, tâm rnglăp, ntop kơl nu\ih tâm rmôt. Ăp ndơ an, ndrôm sam [u\t ntêm nkrem prăk, jay gu\ tâm kơl dơi an mô knu\ng lah ntru\t nsôr, ma hôm nuih n’hâm, nău nkah g^t đah ăp nu\ih le\ tă “Cho\l  [ư trong Trường Sơn hăn kơl bri dak”. Di nkah g^t nar way ơm druh ndăm xung phong Việt Nam (15/7/1950-15/7/2017). Nam Trang geh nău nchih nkoch mpeh ăp nău [ư răm m’ak bah ăp druh ndăm xung phong ơm n’gor Dak Nông.

            Năm 2014, nău rhơn tât ndal đah ur sai Druh ndăm xung phong ơm Vũ Văn Thiểm, ta thôn Năm Rạ, xã Dak Nia, rnôk păng dơi Hội Druh ndăm xung phong ơm n’gor Dak Nông n’hanh mpôl druh ndăm thị xã Gia Nghĩa kơl prăk [ư jay tâm ro\ng. wa Thiểm an g^t, nơm geh nău ntop kơl dja ma nău rêh bah rnăk wâl păng le\ đăp mpăn:

            “Lôch rnôk mpôl hên lăp gu\ ta aơ ngih dak mât uănh, dơi Druh ndăm xung phong ơm n’hanh thị đoàn an 30 rkeh prăk gay [ư jay dja. Ntơm bah [ư jay dja mpôl hên mô hôm rvê mpeh nhih jay đo\ng ôh, đăp mpăn pah kan jan sa”.

            Đah Druh ndăm xung phong ơm Đặng Thị Mùi, âk năm manh gu\ jay oh bu ur ta phường Nghĩa Trung, Thị xã Gia Nghĩa, nău rêh jêr jo\t ân hăn manh luh kan an bu. Năm 2013, nău tât rmoh rman ndal: lôch du rơh ji jru, păng geh chôt ndal jêng mô dơi pah kan. Nkoch mpeh nău rêh jêr jo\t bah băl tahen ơm, Hội Druh ndăm xung phong ơm n’gor Dak Nông le\ ôp kuăl ăp nu^h lo\ng nuih n’hâm [ư an wa Mùi du mblâm jay n’hu\t răm. Hội ntop kơl an păng [ư\ ăp săm[u\t dơi geh sa ndơ kơl rnăk ach o quet nte đah rnoh âk 450 rbăn prăk/khay. Wa Đặng Thị Mùi rngot nkoch:

            “Gâp rhơn ngăn, geh jay nde mih nde nar, mô hôm manh jay gu\ đo\ng ôh. A[aơ gâp mô hôm u\ch ro\ng tay đo\ng ôh, nhih jay ri ngih dak an hôm, dak si ri nhih dak an hôm. Ndr^ ho\ đăp mpăn ngăn hôm”.

            Đah trong r[o\ng “Jêr kơl, ji chop, jong rêh rhơn, kh^t hăn râng”, Hội Druh ndăm xung phong ơm n’gor Dak Nông le\ rgo\ jă ăp nhih pah kan, nsum mpôl, ăp doanh nghiệp, nu^h lo\ng nuih n’hâm kơl ăp Druh ndăm xung phong ơm geh nău rêh jêr jo\t nsan hao đăp mpăn nău rêh. T^ng nê, bah tơm prăk ntop kơl bah ăp nu^h way kơl nu^h ach o, Hội le\ pă an 73 săm[u\t mpêt nkrem, đah le\ rngôch rnoh khlay bơi 300 rkeh prăk; [ư mhe 19 mblâm jay tâm ro\ng, nkra 5 mblâm jay an ăp hội viên geh nău rêh du\t jêr jo\t. Ăp gưl hội way [ư chop khâl, pă nklâm ndơ ăp Druh ndăm xung phong ơm rnôk ăp lễ tết, kop ji…

            Ndrel đah nău ntrôl dăng ăp nău kan “Yor tâm ro\ng băl tahen”, Hội Druh ndăm xung phong ơm Dak Nông uănh khlay nkra nău way trong kơl an hội viên đo\ng. wa Trương Thị Chiên, ta thôn 9, xã Dak Wil, nkuâl Cư Jut nkoch, rnôk g^t geh trong kơl an Druh ndăm xung phong ơm, nơm geh nău ntop kơl le\ nuih n’hâm, năn ngăch bah Hội, păng le\ ngăch uănh năl di săm[u\t n’hanh dơi kơp dơn trong kơl t^ng di quy định. Bol rnoh prăk mô âk, yơn du\t rhơn, yor nê lah nău nchih nkah bah ngih dak mpeh ăp nău rgop bah he:

            “Gâp saơ kơt nê| lah di nuih n’hâm hôm, mô di lah geh n’hâm soan ma mô geh kơl, âk đêt nhih dak ho\ nkah g^t tât he đo\ng, an he ho\ dơi hôm. A[aơ nău u\ch ro\ng lah bah lơ ma geh kơl ntop tay đêt prăk gay [ư jay”.

            Njêng bah năm 2011, tât a[aơ, Hội Druh ndăm xung phong ơm n’gor Dak Nông le\ kan nsum đah ăp nhih pah kan, ăp mpôl tâm joi ôp n’hanh n’gâng kan ta ntu\k nkra trong kơl an 975 hội viên. Wa Lê Đình Nhung, Groi kruanh Rnâng kan Hội Druh ndăm xung phong ơm n’gor Dak Nông an g^t:

            “Nău kan rgum khlay bah Hội lah joi trong nkra gay mbơh kơl an n’gor n’hanh ăp n’gâng kan năn ngăch nkra trong kơl an hội viên yor hội viên a[aơ ho\ âk năm deh. Pah kan tâm ro\ng băl tahen ri Hội Druh ndăm xung phong ơm mbra nta ăp trong dơh an ăp hội viên mâp âk jêr jo\t. Tỉnh hội rgo\ jă trong leo kan dja n’hanh nkoch trêng rgo\ jă ăp hội [ư rgop prăk nkrem. Tâm nău rêh jêr jo\t ri Hội ôp kuăl ntop kơl bah ăp nhih pah kan, ăp nu^h lo\ng nuih n’hâm”.

            Nău nkra trong kơl ngăch năn n’hanh uănh khlay nău tâm ro\ng bah ăp gưl Hội Druh ndăm xung phong ơm n’gor Dak Nông tâm bah ri aơ nơh le\ du gâl [ư răm nuih n’hâm ăp oh nô, băl tahen, rgop kơl đăp mpăn nău rêh./.

Nu^h nchih rblang: Điểu Thân