VOV4.M’nông: Jêh bơi tât 2 khay jêh phu\t mrô 12 lơh rlet nkual căn cứ cách mạng Yang Mao, nkuăl Krông Bông, n’gor Dak Lak, đah nau kơl an năn bah n’gâng kan tâm nkualư dnrel ăp ntu\k n’gâng kan, ko\ kơt lah nau tâm pă tâm kơl tâm nau rêh, nau rêh ta aơ nar lơn geh đăp mpăn ndrel ndâk tay. Bol ma ê bah nau jêr jo\t, yơn nu\ih [on lan xã Yang Mao ko\ saơ răm nuih n’hâm, rhơn vơt năm mhe 2018 đah âk nau u\ch mhe. Nkô| vay nkoch nar aơ nkoch tât nau nsôih bah rmôt Rđau kan tahen n’gor Dak Lak kơl an kônh wa “nkual dak lip tơm Yang Mao” đăp mpăn nau rêh, gay gi\t lơn mpeh nau tâm kơl ndrel n’hâm rêh dăng bah nkual căn cứ cách mạng aơ.

Ăp nar du\t năm 2017, rnôk plơ\ tay Xã Yang Mao, nkuăl Krông Bông n’gor Dak Lak, ăp ngih mhe ndâk nâp nâl geh nsum êp ngih tôl mpơl tâm nâm nar chrat, dôl njêng nau rêh mhe tâm nkual tă geh phu\t aơ. Teng lăp tâm ngih yuh H’Thu Niê ta [on Tar, xã Yang Mao, rnôk le\ ngih dôl gu\ tâm ngih mhe geh rmôt tahen dê ndâk kơl tay jêh dak lip. Yuh H’Thu Niê nkoch, bah a[aơ ê tât 2 khay âk jêt ngih ta Yang Mao geh phu\t mrô 12 lơh le\, ndơ tuch tăm, rpu ndrôk, sur djăr khuch âk jêh phu\t, du tơ\ phu\t tât ndal kơt lah jo\ ngăn jêh mư geh nau khuch kơt nê tât nkuăl; neh Tây Nguyên tâm du\t năm 2017.

Yơn tâm nau jêr nê lo\ saơ  nu\ih n’hâm kon nu\ih ueh ngăn n’ăp ma tâm rnôk geh phu\t ndel ma jêh phu\t bah ăp gưl n’gâng kan, rmôt kan, rmôt tahen ndrel nu\ih geh n’hâm n’hâm lo\ng ho\ kơl an năn yor ri ma mô geh nuih ji ngot. Đah rnăk yuh H’Thu Niê, geh ăp bôk nau kơl an ndrel nau kơl an yor nu\ih ach o pă 3 mlâm ndrôk, yor ri ma yuh rhơn ngăn, nsôh năm mhe geh nau rêh đăp mpăn lơn bah năp nơh:

‘Ngih hên mhe nơh geh tahen tât ndâk ân. Dăch tât ri ngih vâl kơt aơ ri rhơn ngăn, ăp ngih ri ko\ geh nau rhơn da dê. Mhe nơh, geh ndrôk bu pă ân rnăk ach o 2 mlâm, 10 nar rlau aơ ko\ geh kơl an tay du mlâm đo\ng lah 3 mlâm hôm. Tât năm mhe ri gâp nsôih tăm bum, [ư lo\, tăm mbo jêh ri lo\ nkra tay ngih ân mhe”.

Ko\ kơt rnăk yuh H’Thu Niê, ngih wa Y’Bhông Niê, bu ranh [on Tar, xã Yang Mao ho\ geh phu\t mrô1 2 lơh rlâm, yơn wa Y’Bhông Niê hôm tât ăp ngih gay ma ôp khâl, bonh đă druh ndăm kơl rep ngih vâl, bonh đă kônh wa đăp mpăn nau rêh. Lah tahen ơm geh n’hâm đah cách mạng, nau rêh jêr jo\t yor ri wa geh Rđau kan tahen n’gor Dak Lak kơl 70 rkeh gay ndaka tay ngih jêh dak lip. Tâm ngih mhe ndâk, kâp ngih mhe ê jêh, ndoh ndơ hôm ân lă lêng, yơn bu ranh Y’Bhông Niê hôm ân du ntu\k gay ma yông rup Wa Hồ ndrel Đai tướng Võ Nguyên Giáp, nkah tât nuih n’hâm tâm rnglăp ndrel nau mi\n mra rlet bah nau jêr jo\t:

‘Ngih vâl ri rlâm hôm ri geh tahen [ư ân , mra jêh bah năp tết lah ngih jêh hôm. Gâp hăn tât ăp ngih kônh wa, bonh đă kônh wa lơi geh nau rngot ôh, gay ân nsôih, lơi mi\n âk, gay ndâk tay đo\ng. Mpeh văng sa ri ntă ngih geh mir cà phê ri  sâm ndâk tay tơm. Ntă nu\ih ê geh ngih ri ndâk tay, tahen kơl ân nơm, kơl an kơt nê lah âk hôm yơn lah nơm gay nsôih gay ma geh jêng êng đo\ng.

Ti\ng nau kơp bah UBND xã Yang Mao, nkuăl Krông Bông, phu\t mrô 12 ho\ [ư rlâm 106 ngih ndrel rlau 450 ngih plôk chor. Rlau 200 ha tưm tăm geh roh dơm. Rnoh khuch tâm xã Yang Mao rlau 40 rmen. Wa Trần Thế Hưởng- nu\ih pah kan tâm jrâu kan kơp uănh xã Yang Mao ân gi\t, bơi tât du khay ma aơ, nu\ih [on lan tâm nkual ndơn geh âk ngăn nau kơl an bah ngih dak ko\ kơt lah nau kơl an bah ăp ntu\k kơl an nau rêh jêng, đah rnoh prăk rlau 3 rmen.

‘Jêh tăng mbơh nau khuch ri ăp ntu\k kan bu ho\ tât kơl an âk ngăn, nkre đah prăk nkre bonh đă mpeh nuih n’hâm. Nê lah nau bonh đă âk ngăn gay kơl rklaih nau khuch, ndâk tay nau kan tuch tăm. Geh ăp rmôt ri kơl an prăk, ndơ do\ng, âk ngăn đo\ng. Ti\ng nau kơp ri rnoh ndơ kơl an ma prăk ndrel ndoh ndơ êng ri rlau 3 rmen. Ăp ntu\k kan bu tât kơl geh ntu\k ri kơl tôl, nu\ih kan, bu kơl rklaih khuch, ndâk tay ngih vâl wa”.

Êp ăp rmôt tơm kơt tahen, Đoàn druh ndăm, rmôt kơl an “laih ty u\ch ro\ng” ta nkual [on têh Buôn Ma Thuột ho\ [ư âk tơ\ tât nkual Krông Bông kơl kônh wa rklaih khuch jêh phu\t mrô 12. Rmôt ho\ bonh đă ăp nu\ih kơl an tâm ndrel bah dih n’gor kơl geh rlau 70 rmen, rvăt ndơ do\ng ndâk nkra ngigh, tôl loih. Nkre rgum 50 nu\ih hăn kơl an leo ndư do\ng, máy móc tât 2 xã nkuăl jru Yang Mao ndrel Cư Pui gay ndâk tay ndrel ntă tay 9 ngih ân rnăk [on lan rnoi mpôl đê| jêr jo\t. Rhơn yor geh nau kơl an bah druh ndăm kơl 120 mét vuông tôl gay ntă ngih ndrel geh kơl mì tôm rnôk ngih mô geh ndơ sa, wa H’Suôn Niê, ta [on Mnang Dơng, xã Yang Mao, ngơi:

‘Mô geh ntu\k bi\ch, mô geh ba, mô geh phe. Âk ngăn druh ndăm tât kơl 2 thùng mì tôm. Phung druh ndăm tât kơl an tôl đo\ng. A[aơ ri uănh ngih ueh ri rhơn ngăn. Gâp u\ch ngăn, rhơn ngăn, u\ch ru\ng dak măt, u\ch nhi\m ro. Lah ueh phung druh ndăm âk ngăn”.

Nô Nguyễn Duy Học, Kruanh rmôt hăn kơl “Laih ty uc\h ro\ng” ân gi\t, nau kan kơl an nu\ih [on lan tâm nkual geh dak lip jêh phu\t mrô 12 mra lo\ geh ntru\nh, n’ăp ma nar bôk năp bah năm mhe 2018.

“Jêh uănh rup báo VOV ndơ\ nau lah nu\ih [on lan tâm xã Yang Mao geh dak lip, ngih plôk chor, chôt rlâm. Tă bah ăp rup nê, rmôt hăn kơl an dâk kuăl ăp nu\ih geh nuih n’hâm lo\ng, oh nô tâm rmôt rgop ngăn prăk, n’hâm soan gay ndâk tay ngih vâl ân kônh wa. Nar 31 rmôt jur tât ta aơ nkra geh 3-4 ngih. Măng ri rmôt hên lo\ vơt năm mhe đah kônh wa. Ôi lơ 1 rmôt lo\ tât ngih [on lan gay ma kơl ndâk nkra tay”

Nti\nh Yang Mao, nkuăl căn cứ cách mạng tâm rnôk tâm lơh kăl e, nti\nh kônh wa rnoi Rđe, Bunong tă ơm geh âk nau jer, lo\ geh dak lip lơh khuch khal jâk hô, yơn đah nau kơl an năn bah ăp gưl n’gâng kan ăp gưl ko\ kơt lah nau tâm pă bah nau rêh, Yang Mao dôl rgâl âk nar, du nuih n’hâm rêh ueh dôl geh rgum tâm nuih n’hâm hôm e lo\ [ư kônh wa ta Yang Mao saơ geh răm rhơn, rnơm nhoat tât năm mhe 2018 đah âk nau u\ch mhe”./.

Nu\ih rblang: H’Thi