VOV4.M'nông: Nar 27/9, Sở y tế Dak Lak năl geh tay 2 hê nuĭh khĭt tă bah Covid -19, n'hao lĕ rngôch rnoh nuĭh khĭt tă bah Covid-19 ta n'gor hao 15 nuĭh. Tĭng nê, nuĭh khĭt bôk năp lah nuĭh ji 93 năm deh ta thị trấn Quảng Phú, nkuâl Cư M’gar. Nuĭh ji dơi năl ntưp đah SARS-CoV-2 ntơm bah nar 4/9.

Lôch 21 nar tĭng groi nđôi, nsrôih săm, n'hôr máy, yur mham mbro ta nhih dak si tă bah ji jru, djôr n'hâm, môr klơm soh jru tă bah SARS-CoV-2, djôr play nuih, djôr săk ranh...jêng hŏ khĭt. Nuĭh tâl 2 lah bu ur 67 năm deh, gŭ ta phường An Bình, thị xã Buôn Hồ. Nuĭh ji dơi năl ntưp SARS-CoV-2 ntơm bah 16/9. Lôch 11 nar nsrôih săm ta ăp  nhih dak si yơn tă bah djôr n'hâm hô ji lam săk, môr klơm soh tă bah SARS-CoV-2, ji n'glên lay, nuĭh ji hŏ khĭt. Tâm nar 27/9,  Dak Lak năl geh tay 14 nuĭh ntưp ji Covid -19.

Nuĭh rblang: Điểu Thân