VOV4.Mnông- Kơp tât kêng măng nar 18/10, n’gor Gia Lai lĕ chuh n’gang Vaccine Covid-19 an bơi tât 301 rbăn nuĭh. Tâm nĕ, ta nkuăl ƀon têh Pleiku, rnoh geh chuh an nuĭh rlău 18 năm deh lĕ geh rlău 80%. Tât 17 mông kêng măng nar 18/10, n’gor Gia Lai lĕ chuh n’gang an rlău 300.900 nuĭh.

Tâm nĕ, rlău 72.100 nuĭh lĕ geh lôch chuh 2 nglai n’hanh rlău 229 rbăn nuĭh lĕ geh chuh 1 nglai Vaccine Covid-19. Ăp ntŭk tâm n’gor geh rnoh chuh Vaccine dŭt âk lah nkuăl ƀon têh Pkeiku 82%, nkuăl têh Ayunpa 40%, nkuăl têh An Khê 29%. Wa Nguyễn Thị Thanh Lịch- groi kruanh UBND n’gor Gia Lai an gĭt, nău mbơh chuh vaccine ngăch lah ngoăy tâm âk nău kan khlăy gay ma n’gor mbơh nău kan pơk mpông, ndâk nsơm nău wăng sa rêh jêng tâm let năp tay.

Nuĭh rblang: Thị Đoắt