VOV4.M’nông: Gay ƀư ân rjăp lơn tay nau kơt tĭng nau ntrŭnh mrô 16/CT-TTg tĭng nau rđau đă bah Rnâng kan rđau nau njrăng, rdnâg srê Covid-19 Gia Lai, UBND nkuăl ƀon têh Pleiku (Gia Lai) geh nau ntrŭnh ntĭm mbơh nau hăn ro gay ma n’huch ngăn rnoh nŭih luh trong. UBND nkuăl ƀon têh Pleiku đă ăp nŭih hăn trong yor nau kan ri ân geh ndjôt săm ƀŭt lah thẻ công chức, thể nhân viên, thẻ ngành (mô lah săm ƀŭt hăn trong geh ntŭk kan pă) gay ma đăp mpăn nau hăn ro rlet trong rdâng bah ăp xã, phường mô lah ăp rmôt kan mêt uănh bah rmôt Công an nkuăl ƀon têh. Nkuăl ƀon têh Pleiku ƀư nau rđau mrô 16/CT-TTg ntơm lơ 28/8 tât nrôk aơ, âk nŭih hŏ ƀư kơt nau ntĭm đă. Yơn lah, hôm ơm du đê̆ ntŭk rgum âk nŭih, nau put bok put mbung mô tâm di nau ntrŭnh hôm ơm, âk nŭih hăn trong mô geh nkô̆ khlay. Ntơm lơ 28/8 tât 5/9, nkuăl ƀon têh Pleiku mham 93 nŭih tih tâm nau ntrŭnh njrăng, rdâng srê, đah rnoh prăk mhal 303 rkeh prăk./.

Nŭih rblang: H’Thi