VOV4.M'nông: Nar 30/8, n'gâng kan dak si n'gor Gia Lai ƀư sŏk mham uănh năl n'hanh chuh vaccine n'glai 2 njrăng n'gang covid-19 an mpôl nuĭh ƀĭt ndeh ta nkual ƀon têh Pleiku. Nău ƀư sŏk mham uănh năl n'hanh chuh vaccine njrăng n'gang covid-19 ƀư tâm rnôk  nkual ƀon têh Pleiku, n'gor Gia Lai dôl dŏng nău ntrŭnh an gŭ srang ngai lam rêh jêng kon nuĭh tĭng nău ntrŭnh mbrô 16 bah Thủ tướng Chính phủ. Yor kơt nê̆ ăp rêng ƀư mpeh njrăng n'gang  nuh srê ta ntŭk uănh năl n'hanh chuh vaccine dơi an ƀư lhăt. Ăp nuĭh ƀĭt ndeh tĭng jăp nău mbơh ngăch dăng n'hâm suan, weh duh săk, puh nkhĭt kaman n'hanh gŭ srang ngai tĭng di nău ntĭm nti bah n'gâng kan dơi kan. Lôch uănh năl n'hanh đăp mpăn, ăp nuĭh ƀĭt ndeh mbra dơi chuh n'glai 2 vaccine njrăng n'gang nuh srê Covid-19. Nchrăp ntơm bah nar 30/8 tât lĕ nar 31/8. Ntŭk rgum mât kân nuh srê Gia Lai kan nsum đah Ntŭk rgum kan dak si nkual ƀon têh Pleiku ƀư sŏk mham uănh năl n'hanh chuh vaccine njrăng n'gang covid-19 n'glai 2 an rlău 700 nuĭh ƀĭt ndeh dôl pah kan ta nkual ƀon têh Pleiku.

Nuĭh rblang: Điểu Thân