VOV4.M’nông – Tĭng Ban ntĭm rđău rchăng n’gang Covid-19 n’gor Gia Lai, kêng măng nđaơ 7/7, Gia Lai kơp dơn tay 2 nuĭh ntưp rơh 1 đah Covid-19 gŭ ndrel ta ƀon Kte, xă H’Bông, nkuăl Chư Sê, n’gor Gia Lai. 2 nuĭh mhe kơp dơn ntưp lah bu klô, K.N 9deh năm 2003) n’hanh K.Q (deh năm 2001) gŭ ta ƀon Kte, xă H’Bông, nkuăl Chư Sê, n’gor Gia Lai hăn ndeh măy bah mrô 163 Huỳnh Tấn Phát, phường Tân Thượng Đông, Quận 7, nkual ƀon têh HCM sĭt tât xă H’Bông, nkuăl Chư Sê ta nar 4/7.

Rmôt dak si n'gor Gia Lai uănh năl mham an nuĭh bah nkual srê plơ̆ sĭt

Aƀaơ, 2 nuĭh ntưp lĕ dơi ndơ̆ hăn nkhah êng n’hanh ta nkual nkhah êng ngih dak si rgum bah n’gor Gia Lai. Rmôt kan dơi kan ndăn ƀư nchoeng n’gang nkual srê n’hanh joi đah ăp nuĭh F1, F2 geh tât. Đah 2 nuĭh ntưp mhe, kơp bah nar 26/4 tât aƀaơ, Gia Lai lĕ geh 6 nuĭh ntưp đah Covid-19.

Nuĭh rblang: Y Sưng Phê Ja