VOV4.M’nông:  Di rnôk tết Trung thu 2021, lơ 20/9, Rmôt hăn kan bah UBND n’gor Gia Lai hŏ tât khâl, pă nklâm ndơ ân kon se jê̆ tâm ntŭk bu nkhah srang nŭih rgum ndrel kon se dôl săm srê Covid-19 tâm n’gor. Rnôk aơ, lam n’gor Gia Lai geh 92 kon se jê̆ dôl ma geh nkhah rgum ndrel 23 kon se dôl săm srê Covid-19. Yor mô dơi tât pă ndơ ân kon se jê̆, bah nau kan bah cán bộ tahen tâm ntŭk bu nkhah rgum, ăp nŭih tâm mrôt hŏ njoăl nklâm ndơ tât ăp oh ndrel ŭch ăp oh mra geh nau blau.

Nau ngăch prăl, ơm ƀư jêh rnôk bu nkhah, ndâk n’hâm soan gay sĭt ma rnăk vâl. Êng nklâm ndơ bah UBND n’gor Gia Lai, tât kêng măng 20/9 hŏ geh bơi tât 1000 nklâm ndơ bah ăp rnâng kan, rmôt kan pă ân kon se dôl geh nkhah rgum ndrel săm srê Covid-19. Ăp nklâm ndơ hŏ ngăch geh ăp cán bộ tahen pă ân ăp oh kon se./.

Nŭih rblang: H’Thi