VOV4.M’nông – Jêh âk nar mô geh nuĭh ji mhe, ôi 26/9, ta Gia Lai kơp dơn 17 nuĭh Covid-19 mhe tâm ntŭk gŭ rêh. Tâm nĕ, geh 15 nuĭh ta nkual ƀon têh Pleiku n’hanh 2 hê ta nkuăl Đăk Đoa. Na nê̆, ta nkual ƀon têh Pleiku, 15 nuĭh geh tât tổ 11, phường Hoa Lư. Aƀaơ, CDC Gia Lai lĕ joi geh 22 nuĭh lah F1, 26 nuĭh lah F2 geh tât rkum ji aơ.

Dôl uănh, 2 nuĭh ji mhe saơ ta nkuăl Đăk Đoa sĭt bah nkual ƀon têh Hồ Chí Minh tâm măng 21/9 đah ndêh ô tô êng nơm, yơn mbơh săk soan mô ngăn gay dêr nkhah êng rgum. Rnôk mbơh săk soan ta ngih dak si Ađơk, nkuăl Đăk Đoa, n’gâng kan ƀon lan lĕ an ntrŭnh nkhah êng ta jay bah nar 25/9, yơn lĕ 2 hê mô tĭng rjăp, hôm e hăn âk ntŭk tâm nkual ƀon têh Pleiku n’hanh nkuăl Đăk Đoa.

Nuĭh rblang: Y Sưng Phê Ja