VOV4.M’nông – Ôi 30/9, ta Ngih pah kan N’gor ủy Gia Lai, tâm rnôk Rƀŭn nchră rơh tal 5 Ban chấp hành Đảng bộ n’gor khóa 16 (pơk hvi), Ban Thường vụ N’gor ủy lĕ ƀư Rƀŭn nchră mbơh ăp nău ntrŭnh mpeh trong kan cán bộ bah Ban Thường vụ N’gor ủy n’hanh UBND n’gor Gia Lai kơp bah nar 4/10. Na nê̆: Ban Thường vụ N’gor ủy Gia Lai ntrŭnh an wa Nguyễn Hữu Quế-rlu râng Ban Chấp hành, Ban Thường vụ Thành ủy tât dơn pah kan ta N’gâng kan Kế hoạch n’hanh Đầu tư. Nău ntrŭnh an tâm pleh, ntĭm wa Đỗ Việt Hưng-Kruanh N’gâng kan Xây dựng Gia Lai râng Ban Chấp hành, Ban Thường vụ Thành ủy, mât ƀư Groi Bí thư Thành ủy Pleiku năm kan 2020-2025. Nău ntrŭnh an wa Nguyễn Bá Thạch-Groi Bí thư rnâng kan nkuăl ủy Chư Pưh rlu râng Ban Chấp hành, Ban Thường vụ Nkuăl ủy, rlu ƀư Groi Bí thư Nkuăl ủy Chư Pưh n’hanh tâm pleh tât dơn kan ta N’gâng kan Xây dựng. Ntrŭnh an ntop tay wa Võ Hoàng Bình-Kruanh jrô Lý luận Chính trị-Lịch sử Đảng, Ban Tuyên giáo n’gor ủy mât ƀư Groi Kruanh ban Tuyên giáo N’gor ủy.

Nŭih rblang: Y Sưng Phê Ja