VOV4.M’nông – Măng 25/7, Ban ntĭm rđău njrăng, n’gang srê Covid-19 n’gor Gia Lai mbơh, Chính phủ n’hanh N’gâng kan dak si mbra kơl lor pă an n’gor Gia Lai ntop tay rlău 1,6 rkeh dĭng vaccine njrăng n’gang srê Covid-19 bah aƀaơ tât dŭt năm. Kơt nĕ, tâm năm aơ, n’gor mbra ƀư chuh njrăng n’gang Covid-19 an 92% rnoh nuĭh ƀon lan rlău 18 năm deh. Na nê̆, tâm khay 7, Gia Lai chuh bơi 150 rbăn dĭng vaccine an ăp nuĭh kơl lor.

Nkual ƀon têh Pleiku kơt tĭng Ntĭm đă 15/CT-TTg bah 8 mông nar 26/7

Bah khay 8 tât khay 12, n’gor mbra wơt dơn n’hanh chuh rlău 1,6 rkeh dĭng an nuĭh ƀon lan rlău 18 năm deh, tâm ban đah 92% rnoh nuĭh tâm rnoh năm deh aơ. Tâm măng 25/7, Ban ntĭm rđău njrăng n’gang srê Covid-19 Gia Lai mbơh, n’gor lĕ geh tay 1 hê ntưp mhe, lah ur bah cán bộ mặt trận tổ quốc phường Tây Sơn (Pleiku) ntưp Covid-19, n’hao dĭng lĕ rnoh nuĭh ntưp tâm nar hao 4, rnoh nuĭh ntưp lam n’gor tâm rơh srê mhe hao 26 nuĭh.

Nuĭh rblang: Y Sưng Phê Ja