VOV4.M'nông: Nŭng nar 5/8, du hê me bŭn ntưp Covid-19 ta n'gor Gia Lai hŏ geh ăp nai dak si kơl rek sŏk luh kon đăp mpăn. Bác sĩ Nguyễn Tấn Phúc- Giám đốc Nhih dak si săm nuĭh ji Covid-19 n'gor Gia Lai an gĭt, nuĭh ji geh mbrô BN109113 sĭt bah nkual geh nuh srê, dơi năl ntưp Covid-19 n'hanh lăp nhih dak si ntơm bah 31/7.

Tâm rlău du pơh aơ, nuĭh ji an tĭng groi nđôi n'hâm suan ta ntil mha êng yor ta khay kêng dŭt bah me bŭn. Ôi 5/8, nuĭh ji geh mpơl mbe oh, nhih dak si hŏ jă e kip rek săm bah Nhih dak si n'gor Gia Lai ntop kơl. Ăp nai dak si rek sŏk luh kon đăp mpăn, oh bê jâk 3,8kg. Aƀaơ, nhih dak si hŏ đă bu ur mât chăm me deh mha êng n'hanh oh bê mhe deh, đăp mpăn ăp dơi bah tâm ntưp rêng chong cheng./.

Nuĭh rblang: Điểu Thân