VOV4.M’nông: Kêng măng ntri 16/7, Gia Lai năl geh tay 1 hê nuĭh ntưp đah SAR-COV-2. Tăng nău lư nuĭh geh uănh năl ngăch geh ntưp ta Nhih dak si Đại học Y dược Hoàng Anh Gia Lai lah nuĭh N.T.T.N, deh năm 1978, gŭ ta Khối phố 8, thị trấn Phú Túc, nkuâl Krông Pa, n'gor Gia Lai. Ntŭk rgum Mât njrăng kop ji n'gor Gia Lai hŏ đă cán bộ ôp uănh năl di nuh srê n'hanh ƀư sŏk mham uănh năl. Tât 4 mông kêng măng, lôch jêh uănh năl geh ntưp đah SAR-COV-2. Nuĭh ji hŏ dơi an  gŭ rgum êng, săm ta ntŭk an gŭ săm nuĭh ji Covid-19, Nhih dak si n'gor Gia Lai. Lôch tăng geh nău lư mpeh nuĭh geh ntưp lah N.T.T.N, Ƀan rđău đă njrăng, n'gang nuh srê Covid-19 n'gor Gia Lai hŏ ndăn ƀoi tĭng ăp nuĭh tă mâp dăch đah nuĭh ji; tĭng ƀư ăp trong njrăng, n'gang  nuh srê Covid-19 tĭng di nău way./.  

Nuĭh rblang: Điểu Thân