VOV4.Mnông- UBND n’gor Gia Lai mhe geh nău ntrŭnh mbơh nău nchrăp pah kan njêng ngih dak si kan njưh mât săm nuĭh ntưp Covid-19 mbrô 2, tâm rnôk nuh srê Covid-19 geh ntưp dŭt âk. Tĭng nĕ, ngih dak si mât săm Covid-19 mbrô 2 n’gor Gia Lai  geh ƀư ta ngih nti Cao đẳng Gia Lai-ntŭk kan mbrô 2 nkuăl ƀon têh Pleiku geh nău têh hvi 400-800 ntŭk bĭch.

Nuĭh geh mât săm lah nuĭh ji geh nău ntưp đah SARS-Cov2 mô geh mpơl nău ji mô lah geh nău ji đê̆, mât săm nuĭh ntưp Covid-19 mô ir hô n’hanh geh nău ji êng dơi njrăng săm n’hanh ăp nuĭh geh plơ̆ ntưp tay. Ngih dak si geh 80 nuĭh nai dak si kan, năp 71 ntil ndơ dŏng mât săm n’hanh ăp ntil dak si. Ủy ban nhân dân n’gor pă an ntŭk kan dak si nkuăl ƀon têh Pleiku  mât nău kan mât uănh, leo kan ngih dak si mât săm nuĭh ntưp Covid-19 mbrô 2.

Nuĭh rblang: Thị Đoắt