VOV4.M’nông: Tâm nau mbơh kêng măng 8/9, Rnâng kan rđau nau njrăng, rdâng srê Covid-19 n’gor Gia Lai mbơh, ntơm n’gul măng 9/9, ân nkuăl ƀon têh Pleiku nsrŭng nau tâm nkhah srang tĭng nau ntrŭnh mrô 16/CT-TTg, nkre đă ăp nkuăl tâm n’gor ndâk nau kan hun hao văng sa-rêh jêng tâm rnôk nau geh mhe. Rnâng kan rđau nau njrăng, rdâng srê Covid-19 Gia Lai đă lŏ nsrŭng ăp nau kan mô geh nau khlay, chợ tăch ndơ mô nâp, nŭih ƀon lan mô dơi rgum rlau 10 nŭih tâm bah dih ngih săm ƀŭt, ntŭk pah kan, ngih dak si, ntŭk âk nŭih. Ntŭk tăch ndơ ngêt sa, tăch rgâl geh pơk yơn knŭng geh tăch leo nsĭt. Êng nê, n’gor Gia Lai kŏ đă Nkuăl ƀon têh Pleiku lŏ nchueng ân nâp đah ăp ntŭk geh nŭih ntưp mhe tâm rnôk êp aơ, ndal joi, nchueng, rdâng lơi ntŭk ƀon lan. Đah ăp nkuăl, nkuăl têh hôm e, n’gor Gia Lai đă ndâk nau mât ntŭk đăp mpăn, ntrŭnh ƀư ăp nau kan văng sa rêh jêng tĭng nau kan “dôl geh mhe”./.

Nŭih rblang: H’Thi