VOV4.M’nông: Jêh rnôk kơp dơn geh nŭih ntưp srê Covid-19 mhe lah nŭih kan văn thư bah Văn phòng, UBND n’gor Gia Lai ntrơn jêng nau pah kan trực tuyến ndrel ndâk ntŭk nkhah rgum gay nkre đăp mpăn nau kan, nkre njrăng rdâng srê. Ngăn lah, nŭih kan văn thư tâm jrâu kan UBND n’gor Gia Lai geh nau năl RT-PCR ntưp đah SARS-Cov2 tâm lơ 26/10. Jêh rnôk saơ nŭih aơ ntưp, Rnâng kan rđau nau njrăng, rdâng srê Covid-19 Gia Lai ndal joi F1.

Nchueng ndal ăp ntŭk geh srê ndrel xét nghiệm 123 cán bộ, công chức, viên chức UBND n’gor Gia Lai, nau geh năl mô ntưp. Êng nê, ta ntŭk kan, UBND n’gor Gia Lai ntrơn jêng pah kan trực tuyến, đăp mpăn 5K gay ma njrăng, rdâng srê. Ôi lơ 27/10, n’gor Gia Lai kơp geh 52 nŭih ntưp srê mhe đah Covid-19 ndrel 56 mẫu geh rgum bah 191 nŭih ntưp, dôl geh xét nghiệm tay. Rnôk aơ, 900 nŭih dôl ma geh săm./.

Nŭih rblang: H’Thi