VOV4.M’nông: Ôi lơ 19/11, nau mbơh tă bah Rnâng kan rđau nau njrăng, rdâng srê nkuăl Đăk Đoa, n’gor Gia Lai test ngăch, nkuăl aơ mhe kơp dơn geh 125 nŭih ntưp ma srê SARS-Cov2. Tâm nê, 58 nŭih hŏ geh năl ma PCR geh ntưp. Rnôk aơ geh 5/8 thôn ƀon tâm xã Hà Bầu geh ntưp ma srê Covid-19. Ta aơ, âk ntŭk ƀư nau nchueng rdâng lơi gay ma joi ăp nŭih ntưp kơt Ngih săm ƀŭt Tiểu học Hà Bầu.

Ngih văn hoá rgum xã Hà Bầu, du đê̆ ngih tăch cà phê, ngih kreh sŏk tâm nglah puăn n'har đah Hà Bầu ndrel xã Nam Yang (nkuăl Đăk Đoa). Rnâng kan rđau nau njrăng, rdâng srê Covid-19 đah n'gor Gia Lai hŏ đă rmôt hăn kan tâm nkuăl Đăk Đoa gay ma tâm rgop nsum ntrŭnh ăp nau kan njrăng, rdâng srê. Nkuăl Đăk Đoa đă nŭih ƀon lan ƀư nau kan 5K, mô dơi rgum âk nŭih, năn mbơh ma n'gâng kan rnôk geh nau tât bah srê ji, ăp ntŭk geh nŭih ntưp, mô lah rnôk geh ji kop duh, siăk, jêr sŏ n'hâm./.

Nŭih rblang: H’Thi