VOV4.M’nông: Ôi lơ 31/8, rmôt hăn kan bah n’gor Gia Lai hŏ leo 22 nŭih bu ủ bŭn ndrel 2 nŭih kon se dôl gŭ ta Bình Dương sĭt. ĂP nŭih bu ur, kon se aơ geh leo tât ntŭk nkhah rgum E991 bah n’gor Gia Lai. Ăp nŭih aơ mra geh nkhah êng ndrel xét nghiệm âk tŏ. Âk ngăn bu ur sĭt rnôk aơ dôl ma bŭn rlau 6 khay, geh nau rêh jêr jŏt, ngăn lah bu ur bŭn khay tal 9. Gay leo rnoh nŭih aơ sĭt, Gia Lai hŏ pă du nai dak si 2 bar bu ur đang deh tĭng rmôt kan gay ma kơl rklaih lah geh tât.

Bah năp nê, Sở Lao động-thương binh- xã hội Gia Lai ndrle mpeh Bình Dương hŏ tâm rgop, kơl xét nghiệm, dăp rgum, pă ƀon lan Gia Lai tât ntŭk rgum kâp ndeh sĭt. Bôk năp nchrăp geh 25 nŭih ndrel 4 kon se geh leo sĭt, yơn lah yor n’hâm soan, geh 24 nŭih tŏng. Dĭng lĕ 22 nŭih bu ur bŭn ndrel 2 kon se tŏng dơi n’hâm soan, sĭt tât đăp mpăn./.

Nŭih rblang: H’Thi