VOV4.M’nông: Lơ 15/9, n’gor Gia Lai ƀư vơt 250 nŭih bu ur bŭn ndrel kon se dôl rêh, pah kan ta Bình Dương, Đồng Nai ndrel nkuăl ƀon têh Hồ Chí Minh sĭt n’gor nơm. Aơ lah rơh vơt nŭih ƀon lan tă bah nkuăl geh srê tal 3 geh n’gor Gia Lai ƀư. Ăp nŭih geh n’gor Gia Lai vơt rơh aơ lah 209 nŭih bu ur bŭn, 37 kon se ndrel du hê nŭih tâm rnăk vâl. Aơ lah ăp nŭih dôl geh rêh, pah kan tâm ăp ntŭk geh srê dôl mâp nau jêr, mô hôm kan pah, mô geh ntŭk gŭ ndrel nŭih rnoi đê̆. Gay vơt ăp nŭih aơ sĭt rơh aơ, ăp ndeh rdeng tă bah Ngih ndeh Phương Trang Nkuăl ƀon têh Hồ Chí Minh ndrel ngih ndeh Thuận Tiến Gia Lai kơl an, công ty Cổ phần Hoàng Anh Gia Lai kơl an dĭng lĕ prăk hăn trong. Rnôk aơ ƀon lan dôl geh pă nau nkhah đăp mpăn tâm n’gor Gia Lai./.

Nŭih rblang: H’Thi