VOV4.Mnông-Tĭng nău ntrŭnh mbrô 596 bâh UBND n’gor Gia Lai, bâh nar 20/9 tât aƀaơ, bơi tât 14 rbăn nuĭh geh jêr jŏt yor nău khuch tât bâh srê Covid-19 geh dơn phe kơl an bâh Chính phủ. Đăk Đoa lah ngoăy tâm âk nkuăl bôk năp bâh n’gor Gia Lai geh tăch pă phe gay ma kơl an nuĭh ƀon lan dôl mâp âk nău jêr jŏt yor Covid-19, bâh nar 20/9. Tât aƀaơ, Cục dự trữ ngih dak kơl an nuĭh ƀon lan ta mpeh ba lơ Tây Nguyên lĕ ndơ̆ phe tât 8 xã, nkuăl têh bâh nkuăl n’hanh nău pă phe dôl geh ƀư. Gay ma rnoh phe kơl an ngăch tât n’hanh di nuĭh, nkre lah mât đăp mpăn rnă njrăng srê, ăp thôn xã lĕ pă dăp mpôl kan, pă phe an tâm di, nkre lah mbơh na nê̆ tât ăp rnăk ƀon lan. Tĭng nău pă an bâh chính phủ, ta rơh aơ Gia Lai geh pă an rlău 200 tấn phe, gay ma kơl an rlău 3300 rnăk đah bơi tât 14 rbăn nuĭh ta 10 nkuăl. Ăp nuĭh geh pă kơl an 15kg phe tâm 1 khay.

Nuĭh rblang: Thị Đoắt