VOV4.M’nông: Ndơn nau jă bah Kruanh rmôt kan Liên bang Quốc hội Liên bang Nga Va-len-ti-na Mát-vi-en-cô, Groi Kruanh dak Võ Thị Ánh Xuân leo bôk rmôt kan ntoh măt Việt Nam râng tâm nchră bu ur Á-Âu tal III tĭng nau kan trực tuyến ntơm lơ 13-15/10. Nau tâm nchră bu ur Á-Âu năm aơ đah nkô̆ “Bu ur: nau kan lam ntur neh tâm nau kan mhe” rgum nau râng bah âk mpưm ntoh măt tă bah rlau 100 dak ndrel 20 ntŭk kan dak ba dih. Ntoh nau ta nar tâm nchră, Groi Kruanh dak Võ Thị Ánh Xuân rnê ngăn nau tâm nchră bu ur Á-Âu ho kơl tâm rgop, tâm pă ndrel n’hao nau dơi bah bu ur, rnê nkô̆ nau bah rơh tâm nchră gay pơk trong nchră mpeh ăp nau dơi ndrel nau ntul rlong ma nau kan mhe, cách mạng công nghệ 4.9 ndrel srê Covid-19 dôl ma khuch tât lam ntur neh lah nsum ndrel bu ur lah êng./.

Nŭih rblang: H’Thi