VOV4.Mnông- Kêng măng nar 30/9, ta ntŭk kan Chính phủ, groi kruanh dak Võ Thị Ánh Xuân lĕ tâm nchră ngơi đah groi Tổng thống Cộng hòa Liên bang Nigeria Yemi Osinbajo gay ma ntrôl nău tâm kơl bar ding Việt Nam-Nigeria.

Ta rơh tâm nchră ngơi, nuĭh leo kan bar dak lah na nê̆ uănh khlăy n’hanh ŭch n’hao nău săk rnglăy tâm kơl bar ding tâm let năp tay, tâm mbơh mpeh ăp ntrong kan na nê̆ kơt lah n’hao nău tâm mbơh kan ăp gâl, ăp n’gâng kan, ngăn lah mpôl kan gâl têh. Bar ding tâm ban ŭch n’hao nău tâm kơl tâm rgop na nê̆ n’hanh kơl ndrel ta ăp ntŭk geh tâm mâp âk ding, ngăn lah LHQ, âk dak châu phi kan ndrel...Mpeh nuh srê Covid-19, bar ding lah na nê̆ kơl an ăp nău nsrôih n’hao nău dơi geh chuh Vaccine njrăng Covid-19 bâh ăp dak dôl hun hao, ndơ̆ mbơh nău kan ƀư Vaccine.

Nuĭh rblang: Thị Đoắt