VOV4.M’nông:  Kêng măng 24/8, Groi Thủ tướng Lê Văn Thành ndrel rmôt kan tât pah kan đah n’gor Long An mpeh nau njrăng, rdâng srê Covid-19 ndrel nau kan hun hao văng sa, rêh jêng bah nkuăl. Ta nar pah kan, Groi Thủ tướng Lê Văn Thành ân lah, nau geh bah srê ta Long An dôl ma tât jêr, yơn lah, âk ngăn nŭih ntưp hôm dơi geh nkân. Tâm ăp nar tât, ân ƀư rjăp nau tâm nkhah srang nŭih…ngăn lah ân geh ndal ƀư xét nghiệm gay ma săch F0 tâm lam n’gor gay ma n’huch nau ntưp rêng bah srê. Mô êng uănh aơ lah nau kan rnă njrăng ma hôm lah nau kan njrăng, rdâng srê. Mpeh nau njrăng, rdâng srê ji, tĭng Groi Thủ tướng Lê Văn Thành, Trung ương mra geh ăp nau kơl an ngăn, năn ân ăp n’gor. Yơn lah, Long An ân geh nchrăp mpeh tơm kan, dŏmng tĭng ăp nau geh gay ma kơl an tơm prăk ân nau njrăng, rdâng srê. Nkân njrăng srê nuh, ơm ndâk tay nau pah kan jan sa, tăch rgâl./.

Nŭih rblang: H’Thi