VOV4.Mnông- Ôi nar 24/10, ta Quảng Ninh, Groi Thủ tướng Lê Văn Thành ndrel đah mpôl mpôl pah kan Chính phủ lĕ geh rơh pah kan đah Tập đoàn công nghiệp Than-khoáng sản Việt Nam mpeh nău kan tăch rgâl, nău rêh nuĭh pah kan n’hanh nău pah kan bâh tập đoàn. Tập đoàn công nghiệp than-khoáng sản Việt Nam tăch rgâl rlău 4 ntrong kan tơm lah: Bư sah ônh, ƀư điện, ƀư ndơ trôm neh, ƀư ndơ dŏng rtoh công nghiệp đah nău geh  ăp năm rlău 130 rbăn rmen prăk. Ta năp nău tât jêr njrăng bâh nuh srê Covid-19 yơn tập đoàn lĕ rgum ƀư ueh nkô̆ nău kan nsum, nău geh bâh tập đoàn tât aƀaơ geh klâp ma rlău 96 rbăn rmen prăk. mât đăp mpăn nău pah kan n’hanh nău geh bâh 95 rbăn nuĭh pah kan. Ntoh ngơi ta rơh pah kan, Groi Thủ tướng Lê Văn Thành an lah, Tập đoàn an geh tâm rdâng đah âk nău jêr jŏt ntul rlong an geh ndâk nsơm tâm let năp tay kơt lah: Nău sŏk dŏng ndơ tâm neh, du đê̆ nău nchrăp kan ntuh kơl hôm nha geh ƀư mbrơi đah nău nchrăp, nău kan mât đăp mpăn hôm nha geh âk nău mbra geh tât. Bâh nău nĕ, groi Thủ tướng dăn đă, n’gâng kan ƀư sah ônh an geh ntrôl dăng tay nău kan njêng tay Tập đoàn, n’hao nău dơi pah kan, nău ueh, săk rnglăy, nău dơi tâm rlong bâh ăp ntŭk kan ndrel.

Nuĭh rblang: Thị Đoắt