VOV4.M'nông: Ôi 18/10, ta Hà Nội, Groi Thủ tướng Vũ Đức Đam, Groi Kruanh Ƀan rđău đă gưl neh dak njrăng n'gang nuh srê Covid-19 pah kan đah Bộ Khoa học n'hanh Công nghệ mpeh trong rƀŏng trong nkra khoa học công nghệ rhŏ dŏng njrăng n'gang nuh srê. Ta rơh  hop, ăp đại biểu rnê âk nău ntop kơl bah Khoa học công nghệ tâm pah kan njrăng n'gang nuh srê Covid-19. Let năp tay, n'gâng kan khoa học n'hanh công nghệ ân gŭ mĭn tay vaccine n'hanh dak si săm ji, ăp ndơ uănh năl mhe; gŭ mĭn ƀư njêng bộ kít định lượng n'hanh nău dơi tâm ban dăng chŏl tâm săk dŏng an nău kan gŭ mĭn uănh năl khuch tât wăng sa rêh jêng kon nuĭh n'hanh ăp nău njrăng đă n'hanh an ƀư ăp trong ntĭt leo mpeh nău kan ntĭm nti, dak si văn hoá tâm rơh mhe. Du đêt nuĭh an lah, ân geh trong kan têh jong rnôk ntuh kơl gŭ mĭn an ƀư công nghệ njrăng n'gang nuh srê n'hanh dŏng ndơ ndơ̆ rgâl công nghệ; trong kơl wăch rgum tơm ndơ gŭ mĭn công nghệ, trong nkra njrăng n'gang nuh srê./.

Nuĭh rblang: Điểu Thân